News4 TamilOnline Tamil News

DMK PMK: அரசியல் வட்டாரத்தில் பாமக குறித்த செய்திதான் தினம்தோறும் வந்த வண்ணமாகவே உள்ளது. அப்பா மகன் இருவருக்குமிடையே உள்ள பிரச்சனை தீவிரமடைந்து வெளியுலகத்தினர் ஆலோசனை சொல்லும் அளவிற்கு வந்துவிட்டது. இதனால் பலரும் திமுகவை கூட புகழாரம் சூட்ட ஆரம்பித்துவிட்டனர். திமுகவும் வாரிசு அரசியலை தற்போது வரை முன்னிறுத்தி தான் கட்சியை அடுத்த கட்டத்திற்கு கொண்டு செல்கிறது. அப்படி கருணாநித்திக்கும் அவரது மகன் என்று பல்வேறு அழுத்தங்கள் இருந்தது.

குறிப்பாக கனிமொழியை கட்சிக்குள் கொண்டு வரும் பொழுது பல்வேறு தரப்பினர் எதிர்ப்பு தெரிவித்தனர். ஆனால் நேரம் பார்த்து ஸ்டாலின் அவரை களம் காண வைத்து பதவி ஒதுக்கினார். அடுத்தபடியாக முட்டுக்கட்டையாக நின்றது அழகிரிதான். கட்சியின் முக்கிய பொறுப்புகள், பதவிகள் என அனைத்தும் அவருக்கு கிடைக்க வேண்டும் என்பதில் மும்மரம் காட்டி வந்தார். அதேபோல கருணாநிதியும் அவருக்கு சட்டமன்றம் செட் ஆகாது என கருதி மத்திய அமைச்சரவையில் பதவி வாங்கி கொடுத்தார். அப்படி இருந்தும் நாளடைவில் அழகிரியை கட்டுப்படுத்த முடியவில்லை.

இதனால் கட்சியை விட்டே நீக்கம் செய்தார். அதேபோல உயிர் போகும் நொடி வரை தலைவராகவே கருணாநிதி இருந்தார். யாருக்கும் அந்த பதவியை கொடுக்கவில்லை. இவருக்கு உடல்நிலை சரியில்லாத போது ஸ்டாலினுக்கு செயல் தலைவர் என்ற பதவி மட்டுமே கொடுக்கப்பட்டது. இப்படி கட்சியை தங்கள் குடும்ப உறுப்பினர்கள் வைத்து கருணாநிதி எப்படி செதுக்கியுள்ளார் இந்த சாமர்த்தியம் ராமதாஸுக்கு இல்லாமல் போய்விட்டது என கூறுகின்றனர்.

அதேபோல அன்புமணியும் கட்சி பதவி அதன் உரிமை என அனைத்தையும் தனது குடும்ப கட்டுப்பாட்டுக்குள் கொண்டுவர வேண்டும் என நினைக்கிறார். ஆனால் அது மிகவும் தவறு எனக் கூறுகின்றனர். கருணாநிதி இறப்பதற்கு முன் தனது வாரிசுகளை நிலை நிறுத்தி கட்சி அங்கீகாரத்தை நிலைநாட்டி சென்றார். ஆனால் தலைவர் பதவியிலிருந்து ராமதாஸ் விலகி அவரது மகனால் புலம்பும் நிலைக்கு தள்ளப்பட்டுள்ளது கட்சியை பின்னடைவுக்கு தான் எடுத்துச் செல்லும். இதைவிட யாரும் இறுதி வரை கருணாநிதியை எதிர்த்து நிற்கவில்லை, ஆனால் பாமகவில் அப்படி கிடையாது. ராமத்தஸ்ஸையே எதிர்க்க துணிந்துவிட்டனர்.

ADMK TVK: விடுதலை சிறுத்தை கட்சியிலிருந்து ஆதவ் அர்ஜுனா தமிழக வெற்றிக் கழகத்திற்கு மாற்றமடைந்ததை அடுத்து தற்போது புதிய சர்ச்சையில் சிக்கியுள்ளார். இவர் புஸ்ஸி ஆனத்திடம் பேசிய காணொளியானது வெளியாகி அரசியல் வட்டாரத்தில் பரபரப்பாக பேசப்பட்டு வருகிறது. அதில், பாஜக வே அதிமுகவை விரட்டிவிடும். எடப்பாடியை நம்பி யாரும் கூட்டணிக்கு வர மாட்டார்கள். அண்ணாமலையாவது 10 பேரை வைத்துக் கொண்டு 18 சதவீதம் வாக்கு வாங்கி இருக்காங்க என ஒருமையில் பேசியிருந்தார்.

இப்படி அதிமுகவையும் பாஜகவையும் விமர்சனம் செய்தது குறித்து பல கண்டனங்கள் எழுந்த நிலையில் தான் பேசியது தவறுதான் என  ஆதவ் அர்ஜுனா அறிக்கை ஒன்றையும் வெளியிட்டார். இப்படி இருக்கையில் ஆதவ் அர்ஜுனா பேசியதற்கு, விஜய் எடப்பாடிக்கு அழைப்பு விடுத்து இது ரீதியாக பேசியுள்ளார் என்றும் தகவல்கள் வெளியானது. அதேபோல ஆதாவ் அர்ஜுனா மன்னிப்பு கூறியதற்கும் அதுதான் காரணம் என்று தெரிவித்தனர். எடப்பாட-யிடம் இதுகுறித்து செய்தியாளர்கள் நேரடியாக கேட்கையில், என்னிடம் நடிகர் விஜய் ஏதும் பேசவில்லை ஆதவ் அர்ஜுனா தங்களை விமர்சனம் செய்ததற்கு அவரே பதில் கூறிவிட்டார் என தெரிவித்தார்.

மேற்கொண்டு திமுக நடத்திய பொதுக்குழு கூட்டத்தில் தங்களை “துரோக அதிமுக” என்று தெரிவித்ததற்கு பதிலடி கொடுத்து பேசியுள்ளார். நாங்கள் துரோகம் செய்தவர்கள் இல்லை திமுக தான் தமிழகத்திற்கு துரோகம் செய்துள்ளது. அம்மாவின் மறைவுக்குப் பின்னும் அதற்கு முன்பு மக்களுக்கு பல்வேறு நலத்திட்டங்களை கொண்டு வந்து சட்ட ஒழுங்கும்  சீராக இருந்தது. தற்போது தினம்தோறும் கொலை, கொள்ளை, பாலியல் வன்கொடுமை உள்ளிட்டவற்றை கண்டு வருகிறோம். இது அனைத்தும் இந்த மாடல் ஆட்சியில் தான் நடக்கிறது அப்படி பார்க்கையில் இதுதான் துரோக ஆட்சி என்று பேசினார்.

ADMK DMDK: தமிழ்நாட்டில் காலியாக உள்ள ஆறு மாநிலங்களவை பதவிகளுக்கு வரும் 16ம் தேதி தேர்தல் நடைபெற உள்ள நிலையில் ஆளும் கட்சிக்கு நான்கு இடங்களும், அதிமுகவிற்கு இரண்டு இடங்களும் ஒதுக்கியுள்ளனர். அந்த வகையில் ஆளும் திமுகவானது தனது கட்சியை சேர்ந்த வில்சன், சல்மா, சிவலிங்கம் ஆகிய மூன்று பேரை நிறுத்தியுள்ளனர். மேற்கொண்டு மக்கள் நீதி மய்யம் கமல்ஹாசனுக்கு கொடுத்த ஒப்புதலின்படி ஒரு சீட் வழங்கியுள்ளனர். ஆனால் எதிர்க்கட்சியான அதிமுக யாருக்கு எம்பி சீட் வழங்கப் போகிறது என்பது குறித்து எந்த ஒரு அறிவிப்பையும் வெளியிடவில்லை.

மற்றொரு பக்கம் தேமுதிக எங்களுக்கு ஓர் மாநிலங்களவை உறுப்பினர் பதவி வேண்டும் என்பதில் தீவிரமாக இருந்தது. ஆனால் அதிமுக தனது கட்சி சார்ந்தவர்களையே நிற்க வைத்துள்ளது. மேற்கொண்டு தேமுதிகவிற்கு அடுத்த ஆண்டு சீட்டு ஒதுக்குவதாக தெரிவித்து அதிகாரப்பூர்வ அறிவிப்பையும் வெளியிட்டுள்ளது. இதற்கு முன்பாகவே கடந்த மக்களவைத் தேர்தலில் கூட்டணி வைத்துக்கொண்டால் ஒரு எம்பி சீட் வழங்குவதாக அதிமுக ஒப்பந்தம் கொடுத்தது என தேமுதிக கூறிவந்தது.

ஆனால் நாங்கள் அப்படி ஏதும் தெரிவிக்கவில்லை என அதிமுக திட்ட வட்டமாக தெரிவித்துவிட்டது. மேற்கொண்டு தேமுதிக , எம்பி சீட் கொடுத்தால் தான் வரப்போகும் சட்டமன்ற தேர்தலில் கூட்டணி என்றும் பேச்சுக்கள் அடிபட்டது. அப்படி இருக்கையில் அதிமுக தரப்பு தேமுதிக தலைமை மிகவும் கடினமாக நடந்து கொள்கிறது. சொல்லப்போனால் கூட்டணி கட்சிக்கு அழுத்தம் தருகிறது. கடந்த சட்டமன்ற தேர்தலில் ஒரு சதவீதம் கூட வாக்குப்பெற முடியவில்லை, ஆனால் எம்பி சீட்டுக்கு மட்டும் எப்படி கெடுபிடி போட முடியும் என பேசி வருகிறார்களாம்.

குறிப்பாக கடந்த சட்டமன்ற தேர்தலில் அதிமுகவுடன் தேமுதிக இணைந்து 2.59 சதவீதம் வாக்கு பெற்றாலும், இதில் தேமுதிக விற்கு 0.43 சதவீதம் மட்டுமே கிடைத்தது. இதனை வைத்து தான் எடப்பாடி பிரேமலதா விஜயாகாந்த்தை வசைபாடி வருகிறார்.

மதுரையில் திமுக பொதுக்குழு கூட்டம் நடைபெற்றது. இந்த கூட்டத்தில் தேமுதிக நிறுவன தலைவர் விஜயகாந்த் மறைவுக்கு இரங்கல் தீர்மானம் நிறைவேற்றியுள்ளனர். சென்னையில் செய்தியாளர்களை சந்தித்து பேசிய பொழுது அதிமுக துணை பொதுச்செயலாளர் கேபி முனுசாமி, கட்சியின் மாநிலங்களவை வேட்பாளர்களாக இன்ப துரை, செய்யூர் தனபால் ஆகியோரை அறிவித்துள்ளார். அதிமுக கூட்டணியில் தேமுதிக தொடரும் எனவும் வரும் 2026 ஆம் ஆண்டு மாநிலங்களவை தேர்தலில் தேமுதிகவுக்கு ஒரு சீட்டு தரப்படும் என அறிவிக்கப்பட்டது.

அதன் பிறகு சென்னையில் தேமுதிக பொதுச்செயலாளர் பிரேமலதா விஜயகாந்த் செய்தியாளர்களை சந்தித்து பேசினார். அப்போது தேமுதிகவை பொறுத்த வரை அனைத்து நிகழ்வுகளையும் அரசியல் நிகழ்வாக தான் பார்க்கிறோம், 2026 ஆம் ஆண்டு ஜனவரி ஒன்பதாம் தேதி கடலூர் மாவட்டத்தில் நடைபெறும் மாநாடு எங்களுடைய நிலைப்பாடு கூட்டணி எல்லாவற்றையும் அறிவிப்போம் எனவும் தெரிவித்துள்ளார்.மேலும் அடுத்த சில நாட்களில் 234 தொகுதிகளுக்குமான பொறுப்பாளர்களை நியமிக்க இருப்பதாகவும் தெரிவித்தார்.

இந்நிலையில் திமுக பொதுக் குழுவில் விஜயகாந்த் மறைவிற்கு இரங்கல் தெரிவித்துள்ளதற்கு நாங்கள் நன்றி தெரிவிக்கிறோம், அரசியல் என்பது தேர்தலை நோக்கி தான் செல்கிறது. அரசியல் என்பதே தேர்தலை ஒட்டிதான் அதுதான் எங்கள் நிலைப்பாடு என பிரேமலதா விஜயகாந்த் கூறி இருக்கின்றார். திமுக கூட்டணியில் தேமுதிகவை சேர்ப்பது தொடர்பாக தற்போது பேச்சுவார்த்தை நடந்து வருகின்றது. இந்த பேச்சு வார்த்தையை பொதுப்பணித்துறை அமைச்சர் எ.வ வேலு நடத்தி வருவதாகவும் கூறப்படுகின்றது.

அதிமுகவுக்கு பிடி கொடுக்காமல் பிரேமலதா விஜயகாந்த் பேசியிருக்கின்றார். அதனால் திமுக கூட்டணியை நோக்கி தேமுதிக நகர்கிறதா என அரசியல் வட்டாரம் பேசி வருகின்றது.

மாநிலங்களவைத் தேர்தல் வரவுள்ள நிலையில் திமுகவுக்கு 4 இடங்களும் அதிமுகவுக்கு இரண்டு இடங்கள் ஒதுக்கப்பட்டுள்ளது. இந்நிலையில் திமுக எம்பி சீட்டு குறித்து அறிவிப்பை வெளியிட்ட நிலையில் அதிமுக எந்த ஒரு அறிவிப்பையும் வெளியிடாமல் ஆலோசனை நடத்தி வந்தனர். இந்நிலையில் 2024 மக்களவைத் தேர்தலின் பொழுது தேமுதிகவிற்கு மாநிலங்களவை எம்பி இடம் தருவதாக அதிமுக உறுதி அளித்ததாக தேமுதிக பொதுச்செயலாளர் பிரேமலதா கூறினார். ஆனால் எம் பி சீட்டு குறித்து எந்த ஒரு உறுதியும் தரவில்லை என அதிமுக பொதுச்செயலாளர் எடப்பாடி பழனிசாமி தெரிவித்தார். இந்நிலையில் தேமுதிகவிற்கு ஒரு மாநிலங்களவை எம்பி சீட்டு தருவது அதிமுகவின் கடமை எனவும் பிரேமலதா வலியுறுத்தி பேசினார். அதனைத் தொடர்ந்து அதிமுக பொதுச்செயலாளர் எடப்பாடி பழனிசாமியை தேமுதிக பொருளாளர் சதீஷ் நேரில் சந்தித்து பேசினார். அப்போது தேமுதிகவுக்கு ஒரு மாநிலங்களவை எம்பி சீட் தர வேண்டும் என சதீஷ் வலியுறுத்தியதாக கூறப்படுகின்றது. அதனை தொடர்ந்து கடந்த இரண்டு நாட்களாக அதிமுக நிர்வாகிகள் ஆலோசனை கூட்டம் நடைபெற்ற நிலையில் தேமுதிகவுக்கு சீட்டு வழங்குவது குறித்து ஆலோசனை மேற்கொள்ளப்பட்டுள்ளது. அந்த அடிப்படையில் தற்போது சதீஷ் எடப்பாடி பழனிசாமி சந்திப்பு நிகழ்ந்துள்ளதால் தேமுதிகவுக்கு சீட் வழங்குவது குறித்து அதிகாரப்பூர்வ அறிவிப்பு வெளியாகும் என எதிர்பார்க்கப்படுகின்றது. எம் பி சீட் பெற வாய்ப்புள்ள சதீஷ் கடந்த 2006, 2009 மற்றும் 2014, 2019 என பல்வேறு தேர்தல்களில் போட்டியிட்டுள்ளார் என்பது குறிப்பிடத்தக்கது.