ரஜினி ரசிகர்கள் மட்டுமின்றி ஒட்டுமொத்த தமிழ் திரையுலகமே எதிர்பார்த்திருந்த கனவு கூட்டணி ரஜினி – முருகதாஸ். இந்த மெகா கூட்டணியின் அதிரடியான அட்டாக் தான் “தர்பார்”.
தலைவர்167 என்ற தற்காலிக பெயருடன் கடந்த ஏப்ரல் மாதம் மும்பையில் துவங்கியது தர்பார் திரைப்படத்தின் படப்பிடிப்பு.ஏப்ரல் 9’ம் தேதி பர்ஸ்ட் லுக் போஸ்டரை வெளியிட்டு பெரும் எதிர்பார்ப்பை ஏற்படுத்தினார் முருகதாஸ். தொடர்ந்து பல கட்டங்களாக இந்தியாவின் பல்வேறு இடங்களிலும் படப்பிடிப்பு நடைபெற்றது.
நவம்பர் 7’ம் தேதி இந்த படத்தின் மோஷன் போஸ்டர் வெளியானது, இந்த மோஷன் போஸ்டர்’ரை தமிழ் தெலுங்கு மலையாளம் ஹிந்தி ஆகிய மொழிகளில் முறையே கமல்ஹாசன், மகேஷ்பாபு, மோகன்லால் சல்மான்கான் வெளியிட்டு படத்தின் மீதான எதிர்பார்ப்பை அடுத்த கட்டத்திற்கு எடுத்து சென்றனர்.. அத்துடன் அனிருத் இசையில் வெளியான “தலைவர் தீம்” ரஜினி ரசிகர்களின் ரிங் டோனாகவும் வாட்ஸ் ஆப் ஸ்டேட்டஸ்சாகவும் களைகட்டியது. நவம்பர் 27’ம் தேதி “சும்மா கிழி” சிங்கிள் ட்ராக் வெளியாகி ரசிகர்களை அதிர வைத்தது.
தர்பார் கொண்டாட்டத்தின் முத்தாய்ப்பாக அமைந்ததுதான் ஆடியோ லான்ச், டிசம்பர் 7’ம் தேதி சென்னை நேரு உள்விளையாட்டு அரங்கில் அரங்கேறியது பிரம்மாண்ட நிகழ்ச்சி.
ரஜினி – முருகதாஸ் கூட்டணி இன்றைய தினம் ரசிகர்களுக்கு வைக்க போகும் மெகா ட்ரீட், ட்ரைலர் வெளியீடு. இன்று(திங்கள்) மாலை 6.30க்கு வெளியாகவுள்ளது “தர்பார் ட்ரைலர்”
வரும் ஜனவரி 10ம் தேதி வெளியாகிறது ரஜினியின் “தர்பார்”.