சேமிப்பு திட்டம் என்பது அனைவரது குடும்பத்திலும் பின்பற்றக்கூடிய ஒரு வழக்கமாக இருந்து வருகிறது. இதற்குக் காரணம் தங்களுடைய எதிர்காலத்திலோ அல்லது பிள்ளைகளுடைய எதிர்காலத்திலோ பொருளாதார நெருக்கடி வந்துவிடக் கூடாது என்பதாகும்.
இவ்வாறு சேமிப்பு கண்ணோட்டத்தில் ஒவ்வொருவரும் ஒவ்வொரு விதத்தில் தங்களுடைய சேமிப்பை மேற்கொள்கின்றனர். குறிப்பாக இன்று பலர் போஸ்ட் ஆபீஸ் களில் உள்ள திட்டங்களை கவனித்து அதில் முதலீடு செய்ய ஆரம்பித்துள்ளனர் என்பது கணிசமாக அதிகரித்துள்ளது.
அவ்வாறாக, நாம் சேமிக்கும் பணத்தை விட மூன்று மடங்கு பணத்தை நமக்கு திருப்பிக் கொடுக்கும் ஒரு புதிய திட்டத்தினை தபால் துறை அறிவித்துள்ளது குறிப்பிடத்தக்கது.
நீங்கள் ஒரு பெரிய தொகையை முதலீடு செய்ய விரும்பினால், அதை போஸ்ட் ஆபிஸ் டெர்ம் டெபாசிட் அதாவது போஸ்ட் ஆஃபீஸ் எஃப்டியில் முதலீடு செய்யுங்கள். வங்கிகளை விட தபால் அலுவலகத்தில் 5 வருட FD சிறந்த வட்டி விகிதத்தை அளிக்கிறது. இந்தத் திட்டத்தின் மூலம், நீங்கள் விரும்பினால், தொகையை மூன்று மடங்குக்கு மேல் அதிகரிக்க செய்யலாம், அதாவது ரூ.5,00,000 முதலீடு செய்தால், ரூ.15,00,000க்கு மேல் சம்பாதிக்கலாம்.
இது எப்படி சாத்தியம் என ஒவ்வொருவர் மனதிலும் குழப்பம் ஏற்படலாம். அதற்கான விவரத்தையும் தபால் துறை வெளியிட்டிருக்கிறது. அது பின்வருமாறு :-
நீங்கள் முதலில் 5 ஆண்டுகளுக்கு அஞ்சல் அலுவலக FD இல் ரூ.5,00,000 முதலீடு செய்ய வேண்டும். தபால் அலுவலகம் 5 வருட FDக்கு 7.5 சதவீத வட்டி அளிக்கிறது. அப்படிப்பட்ட நிலையில், தற்போதைய வட்டி விகிதத்தைக் கொண்டு கணக்கிட்டால், 5 ஆண்டுகளுக்குப் பிறகு முதிர்வுத் தொகை ரூ.7,24,974 ஆக இருக்கும். இந்தத் தொகையை நீங்கள் திரும்பப் பெற வேண்டியதில்லை, ஆனால் அடுத்த 5 ஆண்டுகளுக்கு அதை சரிசெய்யவும். இந்த வழியில், 10 ஆண்டுகளில் நீங்கள் 5 லட்சத்தில் வட்டி மூலம் ரூ. 5,51,175 சம்பாதிப்பீர்கள், மேலும் உங்கள் தொகை ரூ.10,51,175 ஆக மாறும். இந்தத் தொகை இருமடங்கு அதிகரிக்கும் என்பதே இதன் சூட்சமம் ஆகும்.
பொதுவாக, டீன் ஏஜ் பருவத்தில்தான் குழந்தைக்கு பணத்தேவை அதிகரிக்கும். இப்படிப்பட்ட சூழ்நிலையில், இந்த 15 லட்ச ரூபாயை அவர்களுடைய எதிர்காலத்திற்கு செலவு செய்யலாம் என்ற நோக்கில் வித்திட்டம் உருவாக்கப்பட்டுள்ளது. மேலும் இந்த 5 ஆண்டுகளை 15 ஆண்டுகளாக மாற்றும் பொழுது தான் அதன் வட்டி மற்றும் அசல் சேர்த்து ரூ.15,24,149 கிடைக்கும் என்றும் போஸ்ட் ஆபீஸ் சார்பில் தெரிவிக்கப்பட்டிருக்கிறது.