சென்னை: பள்ளிக்கல்வி துறை அரையாண்டு தேர்வு அட்டவணை வெளியிட்டு உள்ளது.
அரசு, அரசு உதவி பெறும் பள்ளிகள் மற்றும் தனியார் பள்ளிகளுக்கு அரையாண்டு தேர்வு அடுத்த மாதம் 9-ம் தேதி தொடங்கி 23-ம் தேதி முடியும் என பள்ளிக்கல்வி துறை தெரிவித்துள்ளது. அதன் படி 1-ம் வகுப்பு முதல் 5-ம் வகுப்பு வரை வருகிற 16-ம் தேதி தொடங்கி 23-ம் தேதி முடிவடையும் என பள்ளிக்கல்வி துறை தெரிவித்துள்ளது. மேலும் 6-ம் வகுப்பு முதல் 12-ம் வகுப்பு வரை 9-ம் தேதி தொடங்கி 23-ம் தேதி முடிவடியும் என பள்ளிக்கல்வி துறை தெரிவித்துள்ளது. மேலும் 10, 12-ம் வகுப்புகளுக்கு மட்டும் முழு அட்டவணை மற்றும் தேதி அறிவிக்கப்பட்டது.
தற்போது 6-ம் வகுப்பு முதல் 9ம் வகுப்பு வரை மற்றும் பிளஸ் 1-க்கும் தேர்வுக்கான முழு அட்டவணை வெளியாகியுள்ளது. அதன்படி, 6-ம் வகுப்பு முதல் 9ம் வகுப்பு வரைக்கும் 9ம் தேதி தமிழ், 10-ம் தேதி விருப்ப மொழி, 12-ம் தேதி ஆங்கிலம், 16-ம் தேதி கணிதம், 18ம் தேதி உடற்கல்வி, 20-ம் தேதி அறிவியல், 23-ம் தேதி சமூக அறிவியல் தேர்வும் நடக்க உள்ளது.
இதில் 6-ம் வகுப்புக்கு காலை 10 மணி முதல் 12 மணி வரையிலும், 7-ம் வகுப்புக்கு பிற்பகல் 2 மணி முதல் 4 மணி வரையிலும், 8-ம் வகுப்புக்கு 10 மணி முதல் 12.30 மணி வரையிலும், 9-ம் வகுப்புக்கு பிற்பகல் 2 மணி முதல் 4.30 மணி வரையிலும் தேர்வுக்கான நேரம் ஒதுக்கப்பட்டுள்ளது. 10-ம் வகுப்புக்கு 10-ம் தேதி தமிழ், 11-ம் தேதி விருப்ப மொழி, 12-ம் தேதி ஆங்கிலம், 16-ம் தேதி கணிதம், 19-ம் தேதிஅறிவியல், 23-ம் தேதி சமூக அறிவியல் தேர்வும் காலை 9.45 மணி முதல் பிற்பகல் 1 மணி வரையிலும் நடைபெற இருக்கிறது.
பிளஸ்-1 வகுப்புக்கு 9-ம் தேதி தமிழ், 10-ம் தேதி ஆங்கிலம், 12-ம் தேதி கம்யூனிகேட்டிவ் ஆங்கிலம், கம்ப்யூட்டர் சயின்ஸ், புள்ளியியல் உள்ளிட்ட சில பாடங்களுக்கும், 1-6ம் தேதி உயிரியியல், தாவரவியல், வரலாறு உள்ளிட்ட சில பாடங்களுக்கும், 18-ம் தேதி வேதியியல், கணக்கு பதிவியியல், புவியியல், 20-ம் தேதி இயற்பியல், பொருளியல், 23-ம் தேதி கணிதம், விலங்கியல், வணிகவியல் உள்ளிட்ட சில பாடங்களுக்கும் தேர்வு நடக்கிறது.
10-ம் வகுப்புக்கு 9-ம் தேதி தமிழ், 10-ம் தேதி ஆங்கிலம், 12-ம் தேதி கம்யூனிகேட்டிவ் ஆங்கிலம், கம்ப்யூட்டர் சயின்ஸ், புள்ளியியல் உள்ளிட்ட சில பாடங்களுக்கும், 16-ம் தேதி கணிதம், விலங்கியல், வணிகவியல் உள்ளிட்ட சில பாடங்களுக்கும், 18-ம் தேதி உயிரியியல், தாவரவியல், வரலாறு உள்ளிட்ட சில பாடங்களுக்கும், 20-ம் தேதி வேதியியல், கணக்கு பதிவியியல், புவியியல், 23-ம் தேதி இயற்பியல், பொருளியல், வேலைவாய்ப்பு திறன்கள் தேர்வும் நடக்க உள்ளது. இந்த தேர்வுகள் காலை 9.45 மணி முதல் பிற்பகல் 1 மணி வரை நடக்கிறது.