விஜய் டிவியில் பிரபலமாக ஒளிபரப்பான ராஜா-ராணி சீரியலின் நாயகி தான் ஆலயா மானசா. இந்த சீரியலில் செம்பா என்ற பெயரில் அழைக்கப்படும் இவர் ரசிகர்கள் மத்தியில் மிகவும் பிரபலம்.
குடும்ப பாங்கான கதாபாத்திரத்தில் நடித்த ஆலயாவுக்கு ஜோடியாகவும் கதையின் நாயகனாகவும் சஞ்சீவ் நடித்திருந்தார். ஆரம்பத்தில் இவர்கள் இருவருக்குள்ளும் காதல் என்று சின்னத்திரை வட்டாரத்தில் கிசுகிசுக்கப்பட்டது.
சின்னத்திரையில் பல்வேறு நிகழ்ச்சியில் இருவரும் ஜோடியாக வலம் வந்தாலும் தங்களுக்குள் எந்த உறவும் இல்லை என்று மறுத்து வந்தனர். அதன்பிறகு சஞ்சீவும் ஆலயாவும் தங்கள் வீட்டில் பேசி சம்மதம் வாங்கிய பிறகு தங்களுக்குள் இருந்த காதலை வெளிப்படையாக சொன்னார்கள்.
இதற்கிடையில் சின்னத்திரை நட்சத்திரங்கள் பலர் முன்னிலையில் இருவருக்கும் வெகுவிமர்சையாக திருமணம் நடந்துமுடிந்தது. தற்போது இந்த இளம் தம்பதியர் இருவருக்கும் அழகிய பெண் குழந்தை பிறந்தது.
இந்த நிலையில் நடிகை ஆலயா மானசா ஆரம்ப காலத்தில் மேடை நிகழ்ச்சிகளில் கலந்துகொண்டு டான்ஸ் ஆடிய வீடியோ ஒன்று வைரலாகி வருகிறது. அதில் ஆலயா தர லோக்கலாக குத்தாட்டம் போட்டு அதனை சுற்றி இருந்த ரசிகர்கள் கைதட்டி ஆரவாரம் செய்யும் விதமாக இருந்தது.
