ஆர்யா நடிக்கும் கேப்டன் படத்தின் டிரைலர் ரிலீஸ் எப்போது? வெளியான தகவல்
ஆர்யா தற்போது இயக்குனர் சக்தி சௌந்தர்ராஜன் இயக்கத்தில் கேப்டன் என்ற படத்தில் நடித்துள்ளார்.
நடிகர் ஆர்யாவின் மார்க்கெட் தேய்ந்துகொண்டே சென்றபோது ‘சார்பட்டா பரம்பரை ரிலீஸாகி அதை மீட்டெடுத்தது. இதையடுத்து ஏற்கனவே டெடி படத்தின் மூலம் இணைந்த வெற்றிக் கூட்டணியான ஆர்யா – சக்தி சௌந்தர்ராஜன் கூட்டணி மீண்டும் இணைந்துள்ளது. சக்தி சௌந்தர்ராஜன் இயக்கத்தில் ஆர்யாவே தயாரிப்பாளராக களமிரங்கி உருவாகும் ‘கேப்டன்’ என்ற திரைப்படத்தில் நடித்து வருகிறார். இந்த படம் ஹாலிவுட் படமான ப்ரிடேட்டர் வகைப் படமாக உருவாகி வருகிறது. இந்த படம் செப்டம்பர் மாதம் வெளியாக உள்ள நிலையில் ரெட் ஜெயண்ட் மூவிஸ் நிறுவனம் வெளியிடுகிறது.
இந்த படத்துக்கு டி இமான் இசையமைக்க, யுவா ஒளிப்பதிவாளராக பணியாற்றியுள்ளார். இந்த படத்தை ஆர்யாவே தயாரிக்கிறார்.இந்த திரைப்படத்தின் படப்பிடிப்பு முடிந்துள்ள நிலையில் செப்டம்பர் 8 ஆம் தேதி ரிலீஸ் ஆகிறது. படத்தை தமிழகத்தில் ரெட்ஜெயண்ட் மூவிஸ் நிறுவனம் வெளியிடுகிறது. இதையடுத்து சமீபத்தில் படத்தின் முதல் சிங்கிள் பாடல் வெளியாகியுள்ளது. இந்த பாடலை யுவன் ஷங்கர் ராஜா பாடியுள்ளார்.
இதையடுத்து படத்தின் டிரைலர் ஆகஸ்ட் 22 ஆம் தேதி காலை 11 மணிக்கு வெளியாகும் எனப் படக்குழு தெரிவித்துள்ளது. இயக்குனர் சக்தி சௌந்தர்ராஜன் ஸாம்பி, ஸ்பேஸ் திரைப்படம் ஒவ்வொரு ஜானரிலும் ஒவ்வொரு படத்தை இயக்கி வருகிறார். அந்த வகையில் ஆக்ஷன் பட ரசிகர்களுக்கு கேப்டன் திரைப்படம் ட்ரீட்டாக அமையும் என சொல்லப்படுகிறது.