சீனாவின் வூகான் நகரில் பரவத் தொடங்கிய கொரோனா வைரஸ் தற்போது பல உயிர்களை கொன்று உலகையே ஆட்டிப்படைத்து வருகிறது. இதனால் உலகின் பல்வேறு நாடுகளில் 300 கோடிக்கும் அதிகமானோர் வீட்டிலேயே முடங்கும் நிலை ஏற்பட்டுள்ளது.
இதற்கிடையில் சீனாவில் கொரோனா வைரஸ் பரவல் தற்போது கட்டுக்குள் வந்துவிட்டதால் அங்கு ஊரடங்கு உத்தரவு தளர்த்தப்பட்டது. இதனால் நாட்டில் பல பகுதிகளில் மாமிச விற்பனை அதிகமாக நடந்ததன் காரணமாக மீண்டும் கொரோனா தொற்று பரவத் தொடங்கியது.
இதனையடுத்து சீன அரசு சம்பந்தப்பட்ட பகுதிகளில் ஊரடங்கு உத்தரவுகள் பிறப்பித்து வைரஸ் பரவலை தடுக்க முன்னெச்சரிக்கை நடவடிக்கைகளை மேற்கொண்டு வந்தது. இந்த அதிரடி உத்தரவால் மாமிச பிரியர்களான சீனர்கள் நாவை கட்டுப்படுத்த முடியாமல் தவித்து வந்தனர்.
இந்த நிலையில் சீனாவிலுள்ள அமெரிக்க நிறுவனமான ஸ்டார்பக்ஸ் தற்போது செயற்கை மாமிசங்களை களமிறக்கியுள்ளது. அந்த மாமிசங்கள் சாப்பிட மற்றும் சுவைக்க இறைச்சியை போலவே இருப்பதால் அது சீனர்களிடம் பெரும் வரவேற்பை பெற்றுள்ளது.
ஸ்டார்பக்ஸ் நிறுவனத்தில் தொடர்ந்து கேஎஃப்சி நிறுவனமும் செயற்கை மாமிச வகைகளை விற்பனை செய்ய முயற்சி செய்து வருகிறது. இந்த இரண்டு அமேரிக்க நிறுவனங்களும் இதனை ஃபேக் மற்றும் ஃபேக் நக்கட் என்ற பெயரில் செயற்கை மாமிசங்களை விற்பனை செய்ய உள்ளதாக தெரிகிறது.