கல்லூரி மாணவர்களுக்கு குட் நியூஸ்!! தேர்வுகள் திடீர் ஒத்திவைப்பு!!

வடகிழக்குப் பருவமழை டெல்டா மாவட்டங்களை முற்றிலும் உலுக்கியுள்ள நிலையில், அண்ணாமலை மற்றும் பாரதிதாசன் பல்கலைக்கழகத் தேர்வுகள் ஒத்திவைக்கப்பட்டுள்ளன.

டெல்டா மழையால் அதிர்ச்சிகள்
தஞ்சை, திருவாரூர், நாகை, மயிலாடுதுறை போன்ற டெல்டா மாவட்டங்களில் கனமழை மக்களின் இயல்பான வாழ்க்கையை முடக்கியுள்ளது. வங்கக் கடலில் ஆழ்ந்த காற்றழுத்த தாழ்வு மண்டலம் வலுவடைந்ததால், தமிழக கடலோர பகுதிகளுக்கு ரெட் அலெர்ட் எச்சரிக்கை விடுக்கப்பட்டுள்ளது.

முதல்வரின் பரிந்துரையின்படி, மின் விநியோக தடைகள் மற்றும் மீட்பு நடவடிக்கைகள் முன்கூட்டியே திட்டமிடப்பட்டுள்ளன. பேரிடர் மீட்பு குழுக்கள் டெல்டாவில் முகாமிட்டுள்ளன, நிவாரண பணிகள் தீவிரமாக நடைபெற்று வருகின்றன.

தமிழகத்தில் பருவமழையின் தாக்கம்:
கனமழை காரணமாக அண்ணாமலை மற்றும் பாரதிதாசன் பல்கலைக்கழகங்களில் நடைபெற இருந்த முக்கிய தேர்வுகள் ஒத்திவைக்கப்பட்டுள்ளன. இதனால் மாணவர்கள் மற்றும் தேர்வர்கள் தேர்வு திட்டங்களில் மாற்றம் ஏற்பட்டுள்ளது.

சிதம்பரத்தில் அமைந்துள்ள அண்ணாமலை பல்கலைக்கழகத்தில், கனமழை காரணமாக இன்று ( நவம்பர் 27-ஆம் தேதி) நடைபெற திட்டமிடப்பட்ட தேர்வுகள் தேதி குறிப்பிடப்படாமல் ஒத்திவைக்கப்பட்டுள்ளன. பல்கலைக்கழக நிர்வாகம் இதுகுறித்து விரைவில் புதிய அறிவிப்பை வெளியிடும் என தெரிவிக்கப்பட்டுள்ளது.

பாரதிதாசன் பல்கலைக்கழகம்: தேர்வு மாற்றம்
திருச்சியில் உள்ள பாரதிதாசன் பல்கலைக்கழகத்தில் இளநிலை மற்றும் முதுநிலை பருவத் தேர்வுகள், கனமழை காரணமாக ஒத்திவைக்கப்பட்டுள்ளது. தேர்வுக்கான புதிய தேதிகள் பின்னர் அறிவிக்கப்படும் என பல்கலைக்கழக நிர்வாகம் கூறியுள்ளது.

மயிலாடுதுறை: நேர்முகத் தேர்வு மாற்றம்

மயிலாடுதுறை மாவட்ட ஆட்சியர் அலுவலகத்தில் இன்று ( 27-ஆம் தேதி) நடைபெறவிருந்த கூட்டுறவு சங்க விற்பனையாளர் மற்றும் ஓட்டுநர் பணிக்கான நேர்முகத் தேர்வு டிசம்பர் 4-ஆம் தேதிக்கு மாற்றப்பட்டுள்ளதாக அதிகாரிகள் தெரிவித்துள்ளனர்.