குரு + சனி வக்கிர பெயர்ச்சி பலன்கள் – 2021 மகரம்
மகரத்தில் இருந்து அதிசாரமாக கும்ப ராசிக்கு சென்றுள்ள குரு பகவான் 21 – 6 – 2021 ல் வக்கிரம் ஆகி, 18 – 10 2021 ல் வக்கிர நிவர்த்தி அடைகிறார்.அதேபோல் கடந்த 23-5-2021 ல் மகரத்தில் வக்ரம் ஆன சனி பகவான், 11-10-2021 ல் வக்கிர நிவர்த்தி அடைகிறார்.
எனவே, குரு மற்றும் சனி ஆகிய இரு கிரகங்களின் வக்ர கதியை கணக்கில் கொண்டே, ஒவ்வொரு ராசிக்கும் பலன்களை அறிய வேண்டும்.அந்த வகையில், மகர ராசிக்கு இரண்டாம் இடமான கும்பத்திற்கு அதிசாரமாக சென்றுள்ள குரு தற்போது வக்கிரம் அடைந்துள்ளார்.
இரண்டாம் இடத்தில் இருக்கும் குரு, நல்ல பலன்களை வழங்குவார் என்றாலும், தன காரகன், தன ஸ்தானத்திலேயே இருப்பது நல்ல பலனை அளிக்கும் என்று எதிர்பார்க்க முடியாது.ஆனால், அதே இடத்தில் வக்கிரம் அடைந்துள்ள குரு, நிச்சயம் நல்ல பலன்களை கொடுப்பார். குறிப்பாக தடைபட்ட பண வரவுகளை மீண்டும் சரி செய்து கொடுப்பார்.
குடும்பத்தில் இருந்த இணக்கமற்ற சூழல் மாறி, மகிழ்ச்சியான சூழல் உருவாகும். ஒதுங்கி இருந்தவர்கள் மீண்டும் நெருங்கி வருவார்கள்.குருவின் ஐந்தாம் பார்வை, ராசியின் ஆறாவது இடத்துக்கு கிடைப்பதால், இதுவரை கிடைக்காத கடன்கள் இனி கிடைக்கும். தொல்லை கொடுத்த நோய்கள் விலகும். இடையூறு கொடுத்தவர்கள் ஒதுங்கி செல்ல தொடங்குவார்கள்.
போட்டி மற்றும் பந்தயங்களில் பெரிய வெற்றி கிடைக்காதவர்கள், இனி வெற்றியை எதிர்பார்க்கலாம்.குருவின் ஏழாம் பார்வை, ராசியின் எட்டாம் இடத்துக்கு கிடைப்பதால், இதுவரை தீராத கடன்களை, திருப்பி செலுத்துவதற்கு வாய்ப்பு ஏற்படும். முன்னோர் வழி சொத்துக்களில் இருந்த சிக்கல்கள் அகலும். மறைமுக தன வருவாய் கிடைக்கும். உடல்நிலை பாதிக்கப்பட்டிருந்தால், அதில் முன்னேற்றம் கிட்டும்.
குருவின் ஒன்பதாம் பார்வை ராசியின் பத்தாம் இடத்துக்கு கிடைப்பதால், வேலை இல்லாதவர்களுக்கு வேலை கிடைக்கும், தொழில் இல்லாதவர்களுக்கு புதிய தொழில் அமையும். மற்றவர்களுக்கு செய்ய வேண்டிய கடமைகளை செய்து முடிப்பீர்கள்.
வக்கிர குருவை போல, வக்கிர சனியின் பலன்களை அறிந்துகொள்ள வேண்டியதும் அவசியமாகும்.
அதன்படி, மகர ராசிக்கு ஜென்மத்தில் இருக்கும் சனி, கூடுமானவரை நல்ல பலன்களை வழங்குவதற்கு வாய்ப்பு இல்லை. ஆனால், அவரது வக்கிர காலத்தில் நல்ல பலன்களை வழங்குவார்.எதிலும் தடங்கல், எதிலும் நஷ்டம் என்ற நிலை மாறி, முயற்சிகளில் இருந்த தடைகள் நீங்கும், நஷ்டங்கள் குறைந்து மெதுவாக லாபத்தை நோக்கி பயணிப்பீர்கள்.
சனியின் பார்வை மூன்றாவது இடத்துக்கு கிடைப்பதால், கைகளில் ஏற்பட்ட வலி, ஈ.என்.பிரச்சினைகள் குணமாகும். கைத்தொழிலில் ஈடுபட்டவர்கள் சற்று நல்ல நிலையை சந்திப்பார்கள். தபால், கூரியர், தொலைதொடர்பு பணியில் உள்ளவர்கள் முன்னேற்றத்தை அடைவார்கள். ஏற்றுமதி இறக்குமதி தொழில்கள் ஏற்றம் பெறும்.
சனியின் ஏழாம் பார்வை, ராசிக்கு ஏழாம் இடத்தின் மீது விழுவதால், இதுவரை நெருக்கம் இல்லாமல் இருந்த கணவன் மனைவி உறவு, இனி சீரடைய தொடங்கும்.நண்பர்கள் மற்றும் தொழில் பார்ட்னர்களுடன் இருந்த கருத்து வேறுபாடுகள், முடிவுக்கு வரும். தொழில் சம்பந்தப்பட்ட புதிய ஆர்டர்கள் கிடைக்கும்.
சனியின் பத்தாம் பார்வை, ராசிக்கு பத்தாம் இடத்தில் விழுவதால், இதுவரை முடங்கி இருந்த தொழில்கள், இனி சூடுபிடிக்க ஆரம்பிக்கும். உங்களின் எதிர்பார்ப்புக்கு ஏற்ப ஊழியர்கள் நடந்து கொள்வார்கள்.
வேலை செய்யும் இடத்தில் இருந்த நெருக்கடியான சூழல்கள் மாறும். உங்களின் முக்கியத்துவம் உணரப்படும்.மகரத்திற்கு ஐந்தாம் இடத்தில் இருக்கும் ராகு, எதிர் பாராத திடீர் அதிர்ஷ்டங்களை, எதிர்பாராத நேரத்தில் வழங்குவார். அந்த வாய்ப்பை கவனமாக பற்றிக்கொள்ள வேண்டும்.
அதேபோல், பதினோராம் இடத்தில் இருக்கும் கேது, பின்னால் நடக்க இருப்பதை, ஏதாவது ஒரு வகையில் உங்களுக்கு முன்கூட்டியே உணர்த்துவார். இருந்தாலும், கேது, பாதக ஸ்தானத்தில் இருப்பதால், உங்கள் மனம் அதை பெரிய அளவில் ஏற்க விரும்பாது.
இதுவரை, கோச்சார குரு மற்றும் சனியால் பாதிப்புகளை சந்தித்து இருந்தால், அது வக்கிர குரு மற்றும் வக்கிர சனியால், முடிவுக்கு வரும். அதனால், கவலைப்பட வேண்டிய அவசியம் இல்லை.
பொதுவாக, ஒருவரது ஜென்ம ஜாதகத்தில் வக்கிரமாக இருக்கும் கிரகம், கோச்சாரத்தில் வக்ரம் ஆகும்போது, அந்த ஜாதகருக்கு, நல்ல பலன்களை தரும் என்பது ஜோதிட விதியாகும்.ஜென்ம ஜாதகத்தில் வக்கிரம் அடையாத கிரகங்கள், கோச்சாரத்தில் வக்கிரம் அடையும்போது, பெரிய அளவில், நல்ல பலன்களை தருவதில்லை.
எனவே, வக்கிர குரு மற்றும் வக்கிர சனியின் பலன்கள் அவரவர் தனிப்பட்ட ஜாதகத்தை பொறுத்து மாறுபடும்.
மற்ற ராசிகள்:
குரு + சனி வக்கிர பெயர்ச்சி பலன்கள்– 2021 மேஷம்
குரு + சனி வக்கிர பெயர்ச்சி பலன்கள்– 2021 ரிஷபம்
குரு + சனி வக்கிர பெயர்ச்சி பலன்கள்– 2021 மிதுனம்
குரு + சனி வக்கிர பெயர்ச்சி பலன்கள்– 2021 கடகம்
குரு + சனி வக்கிர பெயர்ச்சி பலன்கள்– 2021 சிம்மம்
குரு + சனி வக்கிர பெயர்ச்சி பலன்கள்– 2021 கன்னி
குரு + சனி வக்கிர பெயர்ச்சி பலன்கள்– 2021 துலாம்
குரு + சனி வக்கிர பெயர்ச்சி பலன்கள்– 2021 விருச்சிகம்
குரு + சனி வக்கிர பெயர்ச்சி பலன்கள்– 2021 தனுசு
குரு + சனி வக்கிர பெயர்ச்சி பலன்கள்– 2021 கும்பம்
குரு + சனி வக்கிர பெயர்ச்சி பலன்கள் – 2021 மீனம்
மேஷம் முதல் மீனம் வரை 12 ராசிகளுக்கான வக்கிர குரு மற்றும் வக்கிர சனியின் முழு பலன்களை காண கீழுள்ள வீடியோ பதிவை கிளிக் செய்து பார்க்கவும்.
