தளபதி68 திரைப்படத்தின் இயக்குநர் இவரா! இது நம்ம லிஸ்ட்லயே இல்லையே!
நடிகர் விஜய் நடிக்கவிருக்கும் 68வது படமான தளபதி68 திரைப்படத்தை இயக்குநர் வெங்கட் பிரபு இயக்கவுள்ளதாக தகவல்கள் வெளியாகியுள்ளது. இந்த தகவல் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.
நடிகர் விஜய் தற்போது இயக்குநர் லோகேஷ் கனகராஜ் இயக்கத்தில் லியோ திரைப்படத்தில் நடித்து வருகிறார். இந்த திரைப்படத்தின் படப்பிடிப்பு இறுதிக் கட்டத்தை எட்டியுள்ளது. சென்னையில் படப்படிப்பை முடித்த பின்னர் படக்குழு இறுதிகட்ட படப்பிடிப்பிற்கு ஹைதராபாத் செல்லவுள்ளது. இதையடுத்து நடிகர் விஜய் நடிக்க இருக்கும் தளபதி68 படம் பற்றி தகவல் வெளியாகியுள்ளது.
நடிகர் விஜய் நடிக்கும் 68வது படத்தை இயக்கப் போகும் இயக்குநர்களின் பட்டியலில் இயக்குநர் அட்லி பெயர் முதலில் இருந்தது. பின்னர் கார்த்திக் சுப்புராஜ், தெலுங்கு இயக்குநர் கோபிசந்த், இயக்குநர் சுதா கொங்கரா ஆகியோர்களின் பெயர்கள் அதிகம் பேசப்பட்டது. இந்த பட்டியலில் இடம் பெறாமல் இருந்த நபர் வெங்கட் பிரபு அவர்தான் நடிகர் விஜய் அவர்களின் அடுத்த திரைப்படத்தின் இயக்குநர் என்று கோலிவுட் வட்டாரங்களில் தகவல் பரவி வருகின்றது.
நடிகர் விஜய் நடிக்கப் போகும் தளபதி68 திரைப்படத்தை வெங்கட் பிரபு இயக்குவது கிட்ட தட்ட உறுதியாகிவிட்டது என்று சினிமா வட்டாரங்கள் கூறுகின்றனர். இந்த படத்திற்கு யுவன் சங்கர் ராஜா அவர்கள் இசை அமைக்கவுள்ளதாகவும் தகவல் வெளியாகியுள்ளது. இந்த திரைப்படத்தை சூப்பர் குட் பிலிம்ஸ் அல்லது ஏ.ஜி.எஸ் எண்டர்டெய்ன்மென்ட் இரண்டு நிறுவனங்களில் ஏதாவது ஒன்று தயாரிக்கும் எனவும் பேச்சப்பட்டு வருகின்றது.