குளிர்காலம் வந்துவிட்டாலே பலருக்கும் சளி பிடிப்பது, மூட்டுவலி, தோல் வறட்சி, அரிப்பு, தோலழற்சி மற்றும் தோலில் தடிப்புகள் போன்றவை உருவாகும். மேலும் குளிர்காலத்தில் குளிரை தாங்கிக்கொள்ள நமது உடலுக்கு வெப்பம் தேவை, இந்த காலநிலையில் நாம் சில உணவுகளை உட்கொள்வதன் மூலம் நமது உடலில் குளிரை தாக்குப்பிடிக்கும் வகையில் போதுமான அளவு வெப்பம் உருவாகும். என்னென்ன உணவுகளை குளிர்காலத்தில் சாப்பிட வேண்டும் என்று பார்ப்போம்.
முட்டை:
முட்டையில் நல்ல கொழுப்புகள், புரதச்சத்துக்கள் உள்ளது, இது உடல் திசுக்களை சரிசெய்ய உதவுகிறது. பெரியவர்கள் ஒரு நாளைக்கு இரண்டு முட்டைகள் வரை உண்ணலாம். முட்டை சாப்பிடுவதால் உங்களுக்கு முழுமையான உணர்வு ஏற்படும் மற்றும் இது அதிகப்படியான கலோரி உட்கொள்ளலை குறைக்கிறது
வேர்க்கடலை:
வேர்க்கடலையில் நிறைந்துள்ள ஆரோக்கியமான கொழுப்புகள் உடலுக்கு சித்தாந்த ஆற்றல் மூலமாக செயல்படுகிறது. இவற்றை அதிகளவில் உட்கொள்ளாமல் மிதமான அளவில் உட்கொள்ள வேண்டும். மேலும் இதில் உப்பு அல்லது சர்க்கரை போன்ற சுவைகளை சேர்த்து சாப்பிடுவதை தவிர்ப்பது நல்லது.
சர்க்கரை வள்ளிக்கிழங்கு:
குளிர்காலத்திற்கேற்ற சிறந்த உணவாக சர்க்கரை வள்ளிக்கிழங்கு இருக்கிறது, இது நாடு முழுவதும் குறிப்பாக குளிர்காலத்தில் எளிதாகக் கிடைக்கிறது, இதில் நார்ச்சத்து, வைட்டமின் ஏ, பொட்டாசியம், பிற ஊட்டச்சத்துக்கள் மற்றும் ஆரோக்கியமான கார்போஹைட்ரேட்டுகள் அதிகமாக உள்ளது.
தினைகள்:
தினை வகைகளில் பல்வேறு ஊட்டச்சத்துக்கள், வைட்டமின்கள், தாதுக்கள், குறைந்த கிளைசெமிக் மற்றும் அதிக நார்ச்சத்து ஆகியவை அடங்கியுள்ளது. குளிர்காலத்தில் கிடைக்கும் தினைகள் அனைத்தையும் நீங்கள் சாப்பிட வேண்டும்.
நட்ஸ்:
குளிர்காலத்தில் நட்ஸ் வகைகளை சாப்பிடுவதால் உங்களுக்கு கிடைக்கும் வெப்பம் உங்கள் நரம்பு மண்டலத்தை சுறுசுறுப்பாக வைத்திருக்கிறது மற்றும் மனதையும் ஆரோக்கியமாக வைத்திருக்க உதவுகிறது.
பாதாம், அக்ரூட் பருப்புகள், பேரீச்சம்பழம் போன்றவை கெட்ட கொலஸ்ட்ரால், இரத்த சர்க்கரையை குறைப்பதில் முக்கிய பங்கு வகிக்கின்றது.