இந்திய இசை வரலாற்றில் ஒருபோதும் மறக்க முடியாத பெயராக திகழ்கிறார் கவுகர் ஜான். அவரது வாழ்க்கை, பாடல்களால் மட்டுமல்ல, அவர் எதிர்கொண்ட சவால்கள் மற்றும் சாதனைகளால் உலக அளவில் வரலாற்று பக்கங்களில் இடம்பிடித்துள்ளது. ஒரு ரெட் லைட் ஏரியாவில் பிறந்து, அதனை தனது குரலால் உயர்த்திய கவுகர் ஜான், பத்து மொழிகளில் 600க்கும் மேற்பட்ட பாடல்களை பாடி, ஒரு காலகட்டத்தை தன் குரலில் ஒளிர வைத்தார்.
ரெட் லைட் ஏரியாவில் இருந்து கலை உலகம் வரை:
கவுகர் ஜான், 19ஆம் நூற்றாண்டின் இறுதியில், பிரிட்டிஷ் தந்தைக்கும் இந்திய தாய்க்கும் மகளாக பிறந்தார். அவரது வாழ்க்கையின் தொடக்கம் எளிதானதாக இருக்கவில்லை. குழந்தை பருவத்தில் பெற்றோரால் கைவிடப்பட்ட அவர், சமூகத்தால் புறக்கணிக்கப்பட்ட ரெட் லைட் ஏரியாவில் வளர்ந்தார். அந்த சூழலின் இடையிலும், அவரது குரலின் தனித்துவம் அங்கிருந்தவர்களின் கவனத்தை ஈர்த்தது.
அங்கு வாழ்ந்த பெண்கள் அவரை தனது குழந்தையாக ஏற்று, அரவணைத்து வளர்த்தனர். அதே சமயம், அவர் குரல் மீது இருந்த தனித்துவமான ஈர்ப்பை வளர்க்கவும் உதவினர். அவரின் குரல், ஒரு சாதாரண வர்த்தக மையத்திலிருந்து, மன்னர்களின் அரண்மனை வரை சென்று ஒலிக்கச் செய்தது.
இசை மைந்தனின் தொடக்கம்:
1902 ஆம் ஆண்டில், கவுகர் ஜான் தனது முதல் பாடலாக கஜரா என்ற பாடலை பதிவுசெய்தார். அதனால் அவர் இசை உலகில் ஒரு புதுமையான இடத்தைப் பெற்றார். அவரது குரலின் மெல்லிய மழலை, பாடல்களில் உள்ள உணர்ச்சி பரவசம், அன்றைய இந்தியர்கள் மட்டுமல்ல, பிரிட்டிஷர்களையும் கவர்ந்தது.
20ஆம் நூற்றாண்டின் தொடக்கத்தில், பத்துக்கும் மேற்பட்ட மொழிகளில் பாடிய கவுகர், இசை ரசிகர்களை மகிழ்ச்சியில் ஆழ்த்தினார். அவர் ஒரே பாடலுக்கு 3,000 ரூபாயும் அதற்க்கு மேலுமாக சம்பாதித்தார் என்பது அன்றைய நிலவரத்தில் ஒரு அதிசயமாகவே பார்க்கப்பட்டது.
அரண்மனைகளின் பிரியமான குரல்:
கவுகர் ஜான், மன்னர்களின் அரண்மனைகளில் இசை நிகழ்ச்சிக்காக அழைக்கப்பட்டார். அவரின் இசை, ராஜகுமாரர்களின் மனங்களை கொள்ளையடித்தது. ஆளுமைகளால் மிகுந்த மரியாதை பெற்ற கவுகர், அதற்கு உரியவாறு தனது தனிப்பட்ட ரயிலில் நிகழ்ச்சிகளுக்கு செல்வார். அவர் உபயோகித்த தனி ரயில், அவரின் கோடீஸ்வரி அந்தஸ்தை பிரதிபலித்தது.
மகளிருக்கு ஒளிவிளக்கு:
கவுகர் ஜான், ரெட் லைட் ஏரியாவில் இருந்து உலகம் முழுவதும் குரலால் தன் அடையாளத்தை நிறுவிய பெண்மணியாக உயர்ந்தார். அவர் வாழ்க்கை, நம்பிக்கை இழந்தவர்களுக்கு மிகப்பெரிய உந்துதலாக உள்ளது.
இன்று நவீன இசை உலகில் பிரபலமாக உள்ள பல பாடகிகள், கவுகர் ஜானின் குரல் சுவடுகளைத் தொடர்ந்து வருகிறார்கள். அவரின் பயணம், “சாதிக்க முடியாது” என்று கருதப்பட்ட நிலைமைகளில் கூட, திறமை மற்றும் உற்சாகத்தின் மூலம் வெற்றி பெற முடியும் என்பதை நிரூபித்தது.