கடந்த இரண்டு ஆண்டுகளாக ஜீரோ சம்பளம் பெறும் முகேஷ் அம்பானி

கடந்த இரண்டு ஆண்டுகளாக ஜீரோ சம்பளம் பெறும் முகேஷ் அம்பானி

ரிலையன்ஸ் இண்டஸ்ட்ரீஸின் தலைவர் முகேஷ் அம்பானி கடந்த இரண்டு ஆண்டுகளாக அந்த நிறுவனத்தில் இருந்து சம்பளம் எதையும் பெற்றுகொள்ளவில்லை.

ஜூன் 2020 இல், ரிலையன்ஸ் இண்டஸ்ட்ரீஸின் தலைவரும் நிர்வாக இயக்குநருமான முகேஷ் அம்பானி, இந்தியாவில் கோவிட்-19 பெருந்தொற்று காரணமாக, 2020-21 ஆம் ஆண்டிற்கான தனது சம்பளத்தைத் தானாக முன்வந்து கைவிட முடிவு செய்தார் அதே போல இந்த ஆண்டும் அவர் தனது சம்பளத்தை வேண்டாம் என அறிவித்துள்ளதாக தகவல்கள் வெளியாகியுள்ளன.

இந்த இரண்டு ஆண்டுகளிலும், அம்பானி தலைவர் மற்றும் நிர்வாக இயக்குநராக ரிலையன்ஸ் நிறுவனத்திடமிருந்து எந்த அலவன்ஸ், பெர்க்யூசிட்கள், ஓய்வூதிய பலன்கள், கமிஷன் அல்லது பங்கு விருப்பங்களைப் பெறவில்லை.

அதற்கு முன், தலைவர் மற்றும் நிர்வாக இயக்குனரின் சம்பளம் 2008-09 முதல் அவருக்கு ₹ 15 கோடியாக நிர்ணயிக்கப்பட்டது, இது நிர்வாக இழப்பீட்டு நிலைகளில் மிதமான தனிப்பட்ட உதாரணம் ஆகும். அதில் இருந்து 2019-20 இல் ₹ 15 கோடி சம்பளம் முந்தைய 11 ஆண்டுகளில் மாறாமல் ஒரே தொகையாக இருந்தது. அம்பானி 2008-09 முதல் சம்பளம், சலுகைகள், கொடுப்பனவுகள் மற்றும் கமிஷன் ஆகியவற்றை ஒன்றாக சேர்த்து ₹ 15 கோடியாக வைத்திருந்தார்.

இந்தியாவின் முன்னணி நிறுவனங்களில் ஒன்றாக ரிலையன்ஸ் இண்டஸ்ட்ரீஸ் செயல்பட்டு வருகிறது. இந்நிலையில் அதன் தலைவர் அம்பானி கடந்த இரண்டு ஆண்டுகளாக அதில் இருந்து சம்பளமாக பணம் பெறவில்லை என்பது ஊடகங்களில் கவனம் பெற்றுள்ளது.