சர்தார் வல்லபாய் படேல் பிறந்த தினம் தேசிய ஒற்றுமை தினமாக கொண்டாட காரணமென்ன? நீங்களும் தெரிந்து கொள்ளுங்கள்

சர்தார் வல்லபாய் படேல் பிறந்த தினம் தேசிய ஒற்றுமை தினமாக கொண்டாட காரணமென்ன? நீங்களும் தெரிந்து கொள்ளுங்கள்

சர்தார் வல்லபாய் படேலின் பிறந்தநாளை நினைவுகூரும் வகையில் 2014 ஆம் ஆண்டு முதல் ஒவ்வொரு ஆண்டும் அக்டோபர் 31 ஆம் தேதி தேசிய ஒற்றுமை தினம் (ராஷ்ட்ரிய ஏக்தா திவாஸ்) கொண்டாடப்படுகிறது.

சுதந்திரப் போராட்ட வீரரும், பின்னர் இந்தியாவின் ஒருங்கிணைப்பில் முக்கியப் பங்காற்றிய அரசியல்வாதியுமான சர்தார் படேலின் 144 வது பிறந்தநாள் இந்த ஆண்டு கொண்டாடப்படுகிறது.அந்த வகையில் ஏற்கனவே மத்திய அரசு அறிவித்துள்ளபடி இன்று அவரின் பிறந்தநாளை முன்னிட்டு தேசிய ஒற்றுமை தினமாகவும் கொண்டாடப்படுகிறது.

சர்தார் வல்லபாய் படேல் இந்தியாவின் முதல் துணைப் பிரதமராகவும், ‘இந்தியாவின் இரும்பு மனிதர்’ என்றும் அழைக்கப்படுபவர். சுதந்திரம் அடைந்த பிறகு பிரிந்து கிடந்த 500 க்கும் மேற்பட்ட சமஸ்தானங்களை சுதந்திர இந்திய யூனியனுடன் இணைத்துக் கொள்வதில் அவர் பெரும் பங்காற்றினார். இதில் பல தடைகள் இருந்த போதும் , அவர் அனைத்து சமஸ்தானங்களையும் புதிதாக சுதந்திர இந்தியாவில் வெற்றிகரமாக ஒருங்கிணைத்தார்.

அந்த வகையில் அவரின் இந்த உழைப்பை நினைவு கூறும் வகையில் தேசிய ஒற்றுமை தினம் கொண்டாடப்படுகிறது. தேசிய ஒற்றுமை தினம் “நமது நாட்டின் ஒற்றுமை, ஒருமைப்பாடு மற்றும் பாதுகாப்பிற்கான உண்மையான மற்றும் சாத்தியமான அச்சுறுத்தல்களைத் தாங்குவதற்கு நமது தேசத்தின் உள்ளார்ந்த வலிமை மற்றும் பின்னடைவை மீண்டும் உறுதிப்படுத்த ஒரு வாய்ப்பை வழங்கும்.