சந்தானம் நடித்துள்ள ஏ1 படத்தின் புதிய டீசர் வெளியாகியுள்ளது.
நாளைய இயக்குனர் சீசன் 4ல் டைட்டில் வென்ற ஜான்சன் இயக்கியுள்ள படம் ஏ1. சந்தானம் ஹீரோவாக நடிக்கும் இப்படத்தில் அவருக்கு ஜோடியாக புதுமுகம் தாரா நடிக்கிறார்.
ஏ1 திரைப்படம் வரும் 26ம் தேதி வெளியாகிறது. இதையொட்டி படத்தின் இரண்டாவது டீசர் வெளியாகியுள்ளது. ஆரம்பமே அமர்க்களமாக உள்ளது.
‘இந்திய தொலைக்காட்சிகளில் முதல்முறையாக’ எனும் டோனில் படத்தில் பெயர் பலகைப் போடப்படுகிறது. டீசர் முழுவதுமே அதே டோனில் தான் இருக்கிறது. ‘உலக சினிமா வரலாற்றில் முற்றிலும் மாறுபட்ட என வாசிக்க ஆரம்பிக்கும்போதே, போதும் நிறுத்து அவ்வளவு பில்டப் எல்லாம் தேவையில்ல.
இது ஒரு லோக்கல் பையன், அஹ்ரகாரத்து பொண்ண லவ் பண்ற கதை தான்’னு அவங்கள அவங்களே கலாய்த்துக்கொள்கிறார்கள்.
‘ஆப்பாயில் சாப்பிட்டு தன் காதலை நிரூபிக்கும் அஹ்ரகாரத்து மாமி, மயங்கி விழுவது மாமியின் தோப்பனார்’, ‘கறிக்கொழம்புல எழுப்பு உன் கதையே வேணாம் கிளம்பு’ என்பது போன்ற சந்தானத்தின் தெறிக்கவிடும் கவுண்டர்கள் நிரம்பி வழிகிறது. டீசரை பார்க்கும் போது ஒரு காமெடி விருந்து தயாராகியிருப்பது மட்டும் உறுதி.
