ஏய் பொண்டாட்டி… அவ ஒன்னும் கெட்டவ இல்லடி; சீமானுடன் விஜயலட்சுமி இருக்கும் வைரல் வீடியோ!!
நாம் தமிழர் கட்சியின் தலைமை ஒருங்கிணைப்பாளர் சீமான் பற்றிய வீடியோ ஒன்று வைரலாகி வருகிறது. அதில் நடிகை விஜயலட்சுமி வீடியோ எடுப்பது போலவும் சீமான் சினிமா வசனங்களை பேசுவது போலவும் எடுக்கப்பட்டுள்ளது.
சீமான் மீதான பாலியல் புகாரில் 700 ஆதாரங்களை வைத்துள்ளதாக முன்பு விஜயலட்சுமி கூறியிருந்தார் தற்போது சில புகைப்படங்களும், வீடியோவையும் அவர் வெளியிட்டுள்ளார். புதிய வீடியோவில் சினிமா டயலாக் பேசி காண்பிப்பதை வீடியோவாக பதிவு செய்துள்ளனர். பழைய வீடியோவில் சீமானுக்கு கேக் ஊட்டுவது போல காட்சிகள் இருந்தன. தன்னைக் காதலித்து விட்டு திருமணம் செய்யாமல் சீமான் ஏமாற்றியதாக கடந்த காலத்தில் விஜயலட்சுமி புகார் கூறியிருந்தார். இது காலப்போக்கில் அப்படியே மறைந்து போய் விட்டது.
மேலும், மதுரையில் அவருடன் நான் 15 நாட்கள் குடும்பம் நடத்தியுள்ளேன் என்றும், 3 ஆண்டுகள் என்னுடன் வாழ்ந்து விட்டு என்னைத் தூக்கிப் போட்டு விட்டார் சீமான் என்று விஜயலட்சுமி முன்பு கூறியது பரபரப்பை ஏற்படுத்தியது. சீமானுடன் இருப்பது தொடர்பாக விஜயலட்சுமி வெளியிட்டுள்ள படங்களால் நாம்தமிழர் கட்சி தொண்டர்களிடையே பீதியை கிளப்பியுள்ளது. திராவிட கழகத்தில் இருந்து பல்டி அடித்து நாம்தமிழர் கட்சியின் அரசியல் பயணத்தில் இருக்கும் சீமானுக்கு நடிகையின் மூலம் சோதனை புதிய வந்துள்ளது.
கடந்த காலங்களில் தமிழ் கடவுளை அநாகரிகமாக விமர்ச்சித்த சீமான், 2009 காலகட்டத்திற்கு பிறகு திராவிட இயக்க அரசியலை தவிர்த்து தமிழ் அரசியலில் புதிய பயணத்தை தொடர்ந்தார். சமீபத்தில் தஞ்சை கோயிலில் சீமான் வழிபட்ட புகைப்படங்களுடன் பழைய வீடியோவுடன் இணைத்து சமூக வலைதளங்களில் விமர்சனம் எழுந்தன. இந்திலையில் , நடிகை விஜயலட்சுமி நேரடி காணொளியில் சீமானை பற்றி கடுமையாக விமர்சனம் செய்திருந்தார்.
அதில், நான் ஒரு சிவபக்தை என்றும் சிவனைப்பற்றி பேச சீமானுக்கு தகுதி இல்லை என்றும் காட்டமாக பேசியிருந்தார். இதனையடுத்து இன்று சீமானை பழிவாங்கும் விதமாக விஜயலட்சுமி சில வீடியோக்களை இணையத்தில் பதிவிட்டிருக்கிறார். இந்த வீடியோக்களை பேஸ்புக்கில் ஒருவர் பதிவிட்டதால் சமூக வலைதளங்களில் மிகவேகமாக பரவி அதிர்ச்சியை ஏற்படுத்தியுள்ளது.