சிம்பு ஜோடியாக பிக்பாஸ் யாஷிகா ஆனந்த் நடிக்கவிருக்கும் படம் குறித்த அதிகாரப்பூர்வ அறிவிப்பு தற்போது வெளிவந்துள்ளது. பிக்பாஸ் நிகழ்ச்சிக்குப் பின்னர் யாஷிகா ஒரு சில படங்களில் நடித்து வந்தாலும் இதுவரை பெரிய நடிகர்களின் படங்களில் அவர் நடிக்கவில்லை. அந்த வகையில் தற்போது சிம்பு நடிக்க உள்ள புதிய படத்தில் அவருக்கு ஜோடியாக நடிக்க ஒப்பந்தமாகியுள்ளார். அதுமட்டுமின்றி இந்த படத்தில் பிக் பாஸ் போட்டியாளர் மகத் மற்றுமொரு முக்கிய கேரக்டரில் நடிக்க உள்ளார்
மேலும் சிம்புவின் ‘மாநாடு’ படத்தை இயக்கும் வெங்கட்பிரபுவும் இந்த படத்தில் நடிக்கிறார் என்பதும் குறிப்பிடத்தக்கது. மக்வென் என்பவர் இயக்கும் இந்த படத்திற்கு தமன் இசையமைக்கிறார். பரதன் பிக்சர்ஸ் நிறுவனம் தயாரிக்கும் இந்தப் படத்தில் வேறு சில முக்கிய அறிவிப்பு நாளை வெளியாகும் என அறிவிக்கப்பட்டுள்ளது
இந்த நிலையில் சிம்புவின் ‘மாநாடு’ திரைப்படத்தின் படப்பிடிப்பு அடுத்த மாதம் தொடங்க உள்ளது என்பதும் இந்த படத்தின் படப்பிடிப்பு தொடர்ச்சியாக இரண்டு மாதங்கள் நடைபெறவுள்ளது என்பதும் குறிப்பிடத்தக்கது