சூர்யாவின் அடுத்த படம் குறித்த அதிகாரப்பூர்வ அறிவிப்பு
சூர்யா தற்போது சுதா கொங்கரா இயக்கத்தில் சூரரைப்போற்று என்ற படத்தில் நடித்து முடித்துள்ள நிலையில் அவரது அடுத்த படம் எது? என்பது குறித்த அதிகாரப்பூர்வமான அறிவிப்பு இன்னும் வெளிவராமல் இருந்தது
இந்த நிலையில் சூர்யாவின் 40வது படத்தை வெற்றிமாறன் இயக்கவிருப்பதாகவும் அதனை தனது நிறுவனமான வி கிரியேஷன்ஸ் தயாரிப்பதாகவும் கலைப்புலி எஸ் தாணு அவர்கள் சற்று முன் தனது டுவிட்டர் பக்கத்தில் தெரிவித்துள்ளார்
இதனை அடுத்து சூர்யா, தாணு மற்றும் வெற்றிமாறன் ஆகிய மூவரும் இணையும் படம் உறுதி செய்யப்பட்டுள்ளது
இயக்குனர் வெற்றிமாறன் தனது அடுத்த படமாக சூரி நடிக்கும் படத்தை இயக்க இருப்பதாகவும் விஜய் நடிக்கவிருக்கும் படத்தை இயக்க இருப்பதாக கூறப்பட்ட நிலையில் தற்போது சூர்யாவின் படத்தை இயக்க இருப்பது உறுதி செய்யப்பட்டுள்ளது. இந்த படத்தை முடித்த பின்னர் அவர் சூரி மற்றும் விஜய் படத்தை இயக்குவார் என எதிர்பார்க்கப்படுகிறது