விமானத்தை கடத்த முயன்ற 17 வயது சிறுமி: தீவிரவாதிகள் பின்னணியா?
விமானங்களை திருடி அதை பெரிய கட்டிடங்கள் மீது மோத வைத்து மிகப்பெரிய இழப்பை சந்திக்க வைப்பது தீவிரவாதிகளின் ஸ்டைலாக இருந்து வரும் நிலையில் அமெரிக்காவில் 17 வயது சிறுமி ஒருவர் விமானத்தை கடத்த முயற்சி செய்த சம்பவம் பெரும் பரபரப்பை ஏற்படுத்தி உள்ளது
அமெரிக்காவில் உள்ள கலிபோர்னியா மாகாணத்தில் 17 வயது சிறுமி ஒருவர் விமான நிலையத்தில் இருந்த விமானத்தில் திடீரென ஏறி விமானத்தை இயக்கி உள்ளார். இதனால் விமான நிலைய அதிகாரிகள் அதிர்ச்சி அடைந்து தகுந்த நடவடிக்கை எடுப்பதற்கு உள்ளாகவே அந்த விமானம் விமான நிலையத்தின் கட்டிடத்தில் மோதி நின்றது
இதனையடுத்து அந்த சிறுமியை பாதுகாப்பு அதிகாரிகள் விசாரணை செய்தபோது அந்த சிறுமிக்கு சிறுவயதில் இந்த விமானம் என்றால் உயிர் என்றும் பொம்மை விமானத்தை ஓட்டிக் கொண்டிருந்த தான் நிஜ விமானத்தை ஓட்ட வேண்டும் என்பதற்காகவே அவர் விமானத்தில் ஏறி விமானத்தை இயக்கியதாகவும் தெரிகிறது. மேலும் முதல்கட்ட விசாரணையில் அவர் தீவிரவாத குழுவை சேர்ந்தவர் இல்லை என்பது உறுதி செய்யப்பட்டது. இருப்பினும் அந்த சிறுமி மீது வழக்குப்பதிவு செய்து போலீசார் விசாரணை செய்து வருகின்றனர்