இது என்னுடைய 18 ஆண்டுகள் போராட்டம்!!! நடிகரும் இயக்குநருமான மனோஜ் பாரதிராஜா பேட்டி!!!
இயக்குநர் பாரதிராஜா அவர்களின் மகன் நடிகர் இயக்குநர் மனோஜ் பாரதிராஜா அவர்கள் இயக்கியுள்ள மார்கழி திங்கள் திரைப்படத்தின் இசை வெளியீட்டு விழாவில் நடிகர் மனோஜ் பாரதிராஜா அவர்கள் நெகிழ்ச்சியோடு பேசியுள்ளார்.
இயக்குநர் பாரதிராஜா அவர்களின் மகன் நடிகர் மனோஜ் பாரதிராஜா அவர்களை நடிகராக நமக்கு தெரியும். நடிகராக பல படங்களில் நடித்துள்ளார். இவர் தற்பொழுது இயக்குநராக அறிமுகமாகி இருக்கும் திரைப்படம் மார்கழி திங்கள் திரைப்படம் ஆகும்.
மார்கழி திங்கள் திரைப்படத்தில் இயக்குநர் பாரதிராஜா முக்கிய கதாப்பாத்திரத்தில் நடித்துள்ளார். நடிகர்கள் ஷியாம் செல்வன், நக்சா சரண், ரக்சனா ஆகியோரும் நடித்துள்ளனர். மார்கழி திங்கள் திரைப்படத்திற்கு இசைஞானி என்று அழைக்கப்படும் இளையராஜா அவர்கள் இசையமைத்துள்ளார்.
31 வருடங்களுக்கு அப்புறம் இயக்குநர் பாரதிராஜா மற்றும் இசையமைப்பாளர் இளையராஜா அவர்கள் இணையும் திரைப்படம் இதுவாகும். மார்கழி திங்கள் திரைப்படத்தை இயக்குநர் சுசீந்திரன் அவர்கள் தயாரித்துள்ளார்.
மார்கழி திங்கள் திரைப்படத்தின் இசை மற்றும் டிரெய்லர் வெளியீட்டு விழா சென்னையில் நடந்தது. திரைப்பிரபலங்கள் பலரும் மார்கழி திங்கள் திரைப்படத்தின் இசை மற்றும் டிரெய்லர் வெளியீட்டு விழாவில் கலந்துகொண்டுள்ளனர்.
இசை மற்றும் டிரெய்லர் வெளியீட்டு விழாவில் மார்கழி திங்கள் திரைப்படத்தின் இயக்குநர் மனோஜ் பாரதிராஜா அவர்கள் “என்னுடைய 18 ஆண்டுகள் போராட்டத்திற்கு பிறகு நான் தற்பொழுது இயக்குநராக இந்த திரைப்படத்தை இயக்கியுள்ளேன். இயக்குநர் சுசீந்திரன் அவர்களிடம் நான் நிறைய கதைகளை கூறினேன். திடீரென்று ஒருநாள் கூப்பிட்டு நீங்க படம் பண்ணுங்க என்று கூறினார்.
அதற்கு பிறகு 15 நாட்களில் ஷூட்டிங்கை தொடங்கினோம். என்னுடைய முதல் திரைப்படத்தில் இளையராஜா மற்றும் பாரதிராஜா இருவரும் இணைந்தது எனக்கு மகிழ்ச்சியை கொடுக்கின்றது.
கதாநாயகன் ஷியாம் நன்றாக நடித்திருக்கின்றார். ரக்சனா மற்றும் திரைப்படத்தில் நடித்த மற்ற நடிகர்கள் அனைவரும் தங்களது பங்களிப்பை சிறப்பாக தந்துள்ளனர். மார்கழி திங்கள் திரைப்படம் நன்றாக வந்துள்ளது. கண்டிப்பாக அனைவரும் மார்கழி திங்கள் திரைப்படத்தை குடும்பத்தினருடன் பாருங்கள்.
என்னுடைய கஷ்ட காலங்களில் என்னுடன் இருந்த என் மனைவிக்கும் குழந்தைகளுக்கும் நன்றி. பத்திரிக்கையாளர்கள் என்றால் ஒரு குடும்பம் என்று கூறலாம். மார்கழி திங்கள் திரைப்படம் மிகப் பெரிய வெற்றிப் படமாக அமையும்” என்று கூறியுள்ளார்.