இது தான் சரியான டைம்.. வர்த்தக சந்தையில் குறைந்த டாடா பங்கு!!

இந்திய பங்குச் சந்தையில் கவனத்தை ஈர்த்திருக்கும் டாடா குழுமத்தின் முக்கிய பங்கு டாடா பவர், வரும் நாட்களில் அதிரடியாக 11% உயரும் என நிபுணர்கள் கணித்துள்ளனர். ஜேஎம் நிதிச் சேவையின் ஈக்விட்டி மற்றும் டெக்னிக்கல் நிபுணர் அக்ஷய் பி பகவத் இந்த அதிர்ச்சி தகவலை வெளியிட்டுள்ளார்.

டாடா பவர் பங்கு தற்போது ரூ.500க்கு கீழ் விலையுடன் மிக விருப்பமான முதலீட்டு வாய்ப்பாக விளங்குகிறது. நவம்பர் 29 நிலவரப்படி, டாடா பவரின் சந்தை மதிப்பு ரூ.1,32,750.38 கோடி என உறுதிப்படுத்தப்பட்டுள்ளது. இந்த பங்கு பிஎஸ்இ 100 இன்டெக்ஸ் மற்றும் நிஃப்டி நெக்ஸ்ட் 50 இன் முக்கிய அங்கமாகவும் செயல்படுகிறது.

நவம்பர் 29 அன்று மாலை நிலவரப்படி, டாடா பவர் பங்கு ஒரு பங்கிற்கு ரூ.415.70க்கு வர்த்தகம் செய்யப்பட்டது, இது அதன் இன்ட்ராடே உயர்வான ரூ.417.25க்கு அருகாமையில் உள்ளது. கடந்த 52 வாரங்களின் மிக உயர்ந்த நிலையாக ரூ.494.85, மிகக் குறைந்ததாக ரூ.265.10 ஆகிய நிலைகளை எட்டியுள்ள டாடா பவர், முதலீட்டாளர்களின் கவனத்தை அதிகம் ஈர்த்துள்ளது.

2024ஆம் ஆண்டில் இதுவரை 26% வருமானம் அளித்த டாடா பவர், கடந்த ஒரு ஆண்டில் 52% உயர்வு கண்டுள்ளது. மேலும், கடந்த மூன்று ஆண்டுகளில் 90% மற்றும் ஐந்து ஆண்டுகளில் 625% வருமானம் அளித்து, நீண்ட கால முதலீட்டாளர்களுக்கு சிறந்த பலனை வழங்கியுள்ளது.

நிபுணர்கள் டாடா பவரை ரூ.390-400 என்ற விலைக்கு வாங்க பரிந்துரைக்கின்றனர். வரும் நாட்களில் பங்கின் இலக்கு விலை ரூ.445 முதல் ரூ.462 வரை இருக்கலாம் எனக் கணிக்கப்பட்டுள்ளது. முதலீட்டாளர்கள் தங்கள் ஸ்டாப் லாஸ் வரம்பை ரூ.387 என அமைக்கலாம்.

இந்த பங்கு தனது முந்தைய சாதனைகளால் மட்டும் அல்லாது, புதிய வாய்ப்புகளால் முதலீட்டாளர்களின் வலியுறுத்தலாக மாறியுள்ளது. இந்தியாவில் மின்னுற்பத்தி மற்றும் புதுமையான ஆற்றல் உற்பத்தி துறைகளில் முன்னணியில் இருக்கும் டாடா பவர், அதன் வளர்ச்சியை தொடர்ந்து புதிய உயரங்களை அடையும்.