அமரேந்திர பாகுபலியாக மாறிய டொனால்ட் டிரம்ப்! இணையத்தில் வைரலாகும் வீடியோ..!!
இரண்டு நாள் சுற்றுப்பயணமாக இந்தியாவிற்கு நாளை வருகை தரவிருக்கும் அமெரிக்க அதிபர் டொனால்ட் டிரம்ப்பை வரவேற்கும் விதமாக இணையத்தில் வைரல் வீடியோ ஒன்று பரவி வருகிறது.
அமெரிக்க முன்னாள் அதிபர் ஒபாமாவிற்கு பிறகு டிரம்ப் இந்தியாவில் சுற்றுப்பயணம் மேற்கொள்கிறார். இந்த சுற்றுப்பயணத்தில் குஜராத்தின் சபர்மதி ஆசிரமம் மற்றும் டெல்லி ஆக்ரா போன்ற பகுதிகளை பார்வையி இருக்கிறார். இந்த சந்திப்பின் மூலம் சில முக்கியமான ஒப்பந்தங்களும் கையெழுத்தாக வாய்ப்புண்டு என்றும் தகவல் வருகிறது. அவரின் வருகைக்காக குஜராத் தயாராக உள்ளது.
அமெரிக்க அதிபரை வைத்து சமூக வலைதளங்களில் நகைச்சுவையான பல்வேறு மீம்ஸ்கள் பரவி வருகிறது. இந்நிலையில் தமிழ் சினிமாவில் மிக பிரம்மாண்டமாக தயாரிக்கப்பட்ட பாகுபலி திரைப்படத்தின் காட்சிகளை வைத்து டிரம்ப்பின் முகம் எடிட் செய்யப்பட்ட நிலையில் வீடியோ ஒன்று வைரலாகி வருகிறது. அந்த காட்சியில் டிரம்ப் சண்டைபோடுவது போலும், குதிரை மீது சவாரி செய்வது போலவும் உருவாக்கப்பட்டுள்ளது. இந்த வீடியோ டுவிட்டரில் வெளியாகி வைரலாகி வந்த நிலையில் டொனால்ட் டிரம்ப் அந்த வீடியோவை வரவேற்கும் விதமாக ரீடுவிட் செய்துள்ளார்.
இந்தியாவில் எனக்கு நல்ல நண்பர்கள் இருப்பதாக அந்த வீடியோவை பகிர்ந்துள்ளார். இந்த வீடியோவை பலரும் இணையத்தில் பகிர்ந்து ரசித்து வருகின்றனர். 2015 க்கு பிறகு வரும் அமெரிக்க அதிபரை வரவேற்க இந்தியாவின் சிவப்பு கம்பளம் தயாராக உள்ளது. டிரம்ப் மற்றும் இந்திய பிரதமர் மோடியின் சந்திப்பு இரண்டு நாடுகளுக்குமான ஒற்றுமையை அதிகரிக்கும் என்று எதிர்பார்க்கப்படுகிறது.