இந்தியா-ஆஸ்திரேலியா இடையிலான முதல் போட்டியில் ரசிகர்கள் மற்றும் முன்னாள் கிரிக்கெட் வீரர்கள் எதிர்பார்த்த பேட்டிங்கை வெளிப்படுத்தவில்லை விராட் கோலி. இதனால் ரசிகர்கள் மட்டுமின்றி கிரிக்கெட் வல்லுனர்களும் கொந்தளித்து வலைதளங்களில் கருத்துகளை பதிவு செய்து வருகின்றனர்.
இந்திய அணி இதற்கு முன் நியூசிலாந்து உடன் படு தோல்வியை சந்தித்தது. அந்த தொடரில் சொந்த மண்ணில் தொடர்ந்து 3 போட்டிகளிலும் தோல்வியடைந்து தொடரை இழந்தது. இதில் முக்கிய காரணமாக ரோஹித் சர்மா மற்றும் விராட் கோலி மற்றும் பயிற்சியாளர் கம்பீர் ஆகியோர் கடும் விமர்சனத்துக்கு உள்ளனார்கள்.
இந்த விமர்சனங்களுக்கு முற்றுப்புள்ளி வைக்கும் வகையில் விராட் கோலி ஆஸ்திரேலியா தொடரில் நிச்சயம் தனது சிறப்பான ஆட்டத்தை வெளிபடுத்துவார் என அனைவரும் எதிர்பார்த்தனர். ஆனால் இன்று தொடங்கிய முதல் போட்டியில் டாஸ் வென்று இந்திய அணி பேட்டிங் தேர்வு செய்து களமிறங்கியது.
இந்த போட்டியில் விராட் கோலி 12 பந்துகளை எதிர்கொண்டு 5 ரன்களில் ஆட்டமிழந்தார். ஏற்கனவே நியூசிலாந்து தொடரில் 6 இன்னிங்ஸ் விளையாடி 93 ரன்கள் எடுத்திருந்த நிலையில் தற்போது முதல் ஆட்டத்தில் 5 ரன்களில் அவுட் ஆனது கோபத்தை கிளறி உள்ளது. இந்நிலையில் ரசிகர்கள் பலரும் நீங்கள் பேசாமல் ஓய்வு அறிவித்து விட்டு ஓய்வு எடுங்கள் என்று கூறி சமூக வலைதளங்களில் பதிவிட்டு வருகின்றனர்.