இந்திய அணி தோல்வி – வங்கதேச அணி வெற்றி

வங்கதேச அணிக்கு எதிரான போட்டியில் இந்திய அணி தோல்வியடைந்தது. வங்காளதேசம் சென்றுள்ள
இந்திய கிரிக்கெட் அணி 3 ஒருநாள் மற்றும் 2 டெஸ்ட் போட்டியில் விளையாடுகிறது.

மிர்புரில் நடைபெற்ற முதலாவது ஒருநாள் கிரிக்கெட் போட்டியில் இந்தியா-வங்காளதேசம் அணிகள் மோதின. இதில், டாஸ் வென்ற வங்கதேச அணி, முதலில் பந்துவீச்சை தேர்வு செய்தது. இந்திய அணியின் தொடக்க வீரர்களாக ரோகித் சர்மா ,ஷிகர் தவான் களமிறங்கினர்.

தொடக்கத்தில் தவான், 7 ரன்களிலும்,ரோகித் சர்மா 27 ரன்களிலும் வெளியேறினர். பின்னர் வந்த விராட் கோலி 9 ரன்களில் ஆட்டமிழந்து ஏமாற்றம் அளித்தார்.

இறுதியில் 41.2 ஓவர்களில் 10 விக்கெட்டுகளை இழந்தது 186 ரன்கள் எடுத்தது. இதையடுத்து,187 ரன்கள் எடுத்தால் வெற்றி என்ற இலக்குடன் களமிறங்கிய வங்காளதேச அணி, 40 ஓவர்களில் 9 விக்கெட் இழந்து 187 ரன்கள் எடுத்து ,ஒரு விக்கெட் வித்தியாசத்தில் வெற்றி பெற்றது.