1. உப்பு பரிகாரம்:

*சாப்பிடும் இடத்தில் உப்பை வைப்பது செல்வ செழிப்பை அதிகரிக்கச் செய்யும். வீட்டில் செல்வம் நிறைந்து இருக்க உதவும்.

*குளிக்கும் தண்ணீரில் ஒரு கைப்பிடி அளவு கல் உப்பை சேர்த்து 20 நிமிடங்கள் கழித்து குளித்தால் உடலில் உள்ள கெட்ட சக்திகள் நீங்கும்.

*செல்வ வளமும், லட்சுமி கடாட்சமும் பெருகும். கஷ்டங்கள், கடன், வருமை, தரித்திரம், கண் திருஷ்டி ஆகிய அனைத்தும் நீங்கும்.

2. நீங்கள் அடுத்தவர்களால் ஏமாற்றப்பட்டவர்கள் என்றால் செய்ய வேண்டிய பரிகாரம்:

*வீட்டிலேயே கருப்பசாமியை மனதார நினைத்து ஒரு விளக்கு ஏற்றி வைத்து, முந்திரிப் பருப்பு, மா, பலா, வாழை, முக்கனிகள் இவற்றை நெய்வேத்தியமாக வைக்கவும்.

*உங்களுக்கு இருக்கும் கஷ்டத்தை கருப்புசாமி இடம் முறையிட்டு, அந்தப் பிரச்சனை முடிய வேண்டும், உங்களுக்கு நியாயம் கிடைக்க வேண்டும் என்று மனதார வேண்டிக் கொள்ள வேண்டும்.

* பிறகு “ஓம் கருப்பசாமியை நமஹ” என்ற மந்திரத்தை 108 முறை சொல்லவும் பின்பு கற்பூர ஆரத்தி காட்டி பூஜையை நிறைவு செய்யவும். இந்த பூஜையை காலை 6:00 மணிக்கு முன்பாக அல்லது மாலை 6:00 மணிக்கு பின்பாக செய்ய வேண்டும்.

3. சொத்து பிரச்சனை தீர என்ன செய்ய வேண்டும்?:

*சொத்துக்களை இழந்தோரும், ஏமாற்றி பிடுங்கப்பெற்றோரும், வரவேண்டிய நியாயமான பூர்வீக சொத்துக்கள் வராமல் இருப்போரும், இழந்த செல்வம், புகழ், கௌரவம் ஆகிய அனைத்தையும் திரும்ப பெற வராகி அம்மனுக்கு 8 சனிக்கிழமைகள் காலை 6 முதல் 7 மணி அல்லது இரவு 8 முதல் 9 மணி அளவில் ஒரு மண் அகலில் கரு நீல துணியில் சிறிது வெண்கடுகை முடிந்து, நல்லெண்ணெய் தீபம் ஏற்றி வழிபட்டால் இழந்த அனைத்தையும் திரும்பப் பெறலாம்.

4. சாஸ்திரங்கள் கூறும் துளசியின் மகிமைகள்:

*துளசியை பார்த்தால் செய்த பாவங்கள் அழியும், துளசியை தொட்டால் உடல் தூய்மை அடையும், துளசியை பணிந்தால் உடல் நோய்கள் தீரும், துளசிக்கு நீர் வார்த்தால் எமனுக்கு பயம் உண்டாகும்.

*துளசியை நட்டால் பகவான் கிருஷ்ணரை நெருங்கலாம்.

*கிருஷ்ணரின் பாதத்தில் துளசியை அர்ப்பணித்தால் நன்மை கிடைக்கும். அத்தகைய துளசியை தினமும் வணங்க வேண்டும்.

5. தெய்வங்களுக்கு வாழைப்பழம் படைப்பது ஏன்?:

வாழைப்பழத்தை உரித்தோ, முழுமையாகவோ வீசினாலும் கூட மீண்டும் முளைப்பதில்லை. இது பிறவியற்ற நிலையாகிய முக்தியை காட்டுகிறது. “எனது இறைவா! மீண்டும் பிறவாத நிலையை கொடு” என வேண்டவே நாம் நமது கடவுளுக்கு வாழைப்பழம் படைக்கிறோம்.

6. வெள்ளிக்கிழமை பெண்கள் செய்யக் கூடாதவை:

*வெள்ளிக்கிழமை தலையில் பேன் பார்க்க கூடாது. அழகில் கவனம் செலுத்தாமல் மஞ்சளை முகத்தில் பூசிக்கொள்ள வேண்டும்.

*கருப்பு நிற ஆடைகள் அணியக்கூடாது.

*வெள்ளிக்கிழமை இறைச்சி சாப்பிடக்கூடாது. பால், தயிர், உப்பு, மிளகாய் இவற்றை இடது கையால் யாருக்கும் கொடுக்கக் கூடாது.

*வெள்ளிக்கிழமை பூக்கள், கண்ணாடி யாருக்கும் கொடுக்கக் கூடாது. பெண்கள் வெள்ளிக்கிழமை பொய் சொல்லக் கூடாது. கழுத்து வெறுமையாக இருக்கக் கூடாது.