2026 சட்டமன்ற தேர்தலுக்காக அனைத்து கட்சிகளும் தற்போது தயாராகி வருகின்றனர். மேலும் கூட்டணி பேச்சுவார்த்தைகளும் ஒரு பக்கம் நடைபெற்று வருவதாக கூறப்படுகின்றது. யார் கூட்டணியில் யார் சேருவார் என மிகப் பெரிய எதிர்பார்ப்பு அதிகரித்து வருகின்றது.
தமிழ் சினிமாவில் முன்னணி நடிகர்களில் ஒருவராக இருக்கும் விஜய் அண்மையில் தமிழக வெற்றிக் கழகம் என்ற கட்சியை தொடங்கினார். மேலும் அவருடைய இலக்கு 2026 தேர்தல் தான் என ஒவ்வொரு நிகழ்ச்சிகளிலும் கூறிவரும் நிலையில் அவர் எந்த கட்சியுடன் கூட்டணி அமைப்பார் என தற்போது வரை புதிராகவே இருக்கின்றது.
விஜய் சார்பாக தொண்டர்கள் அனைவரும் மக்களுக்காக பல்வேறு நலத்திட்ட உதவிகளை செய்து வருகின்றனர். அதனால் மக்களின் ஆதரவு விஜய்க்கு முழுவதுமாக கிடைக்கும் என எதிர்பார்க்கப்படுகின்றது. இந்நிலையில் 2026 அதிமுகவுடன் தமிழக வெற்றிக்கழகம் கூட்டணி அமைக்க உள்ளதாக அரசியல் வட்டாரங்களில் பேசப்பட்டு வருகின்றது.
மக்களுடனான கூட்டணியில் ஆட்சி அமைப்பதற்கான நிறைய வாய்ப்புகளை மக்கள் கொடுத்துள்ள நிலையில் மக்களோடு கூட்டணி தான் எங்களுக்கு வேண்டும் அரசியல் கூட்டணியில் பயணிக்க நாங்கள் வரவில்லை மக்களுடனான கூட்டணியில் தான் நாங்கள் பயணிக்க விரும்புகிறோம் என கூறியிருக்கின்றனர்.
அதிமுக-பாஜகவில் இருந்து விலகி ஒரு தேர்தலை சந்தித்த நிலையில் மீண்டும் அதிமுக மற்றும் பாஜக இரண்டும் கூட்டணி அமைத்துள்ளது. அதனால் தவெக-அதிமுகவுடன் கூட்டணி அமைக்குமா என சந்தேகம் எழுந்துள்ளது.