News4 TamilOnline Tamil News

கடந்த சில வருடங்களாகவே சினிமாவில் எப்படி வாரிசுகளுக்கு முன்னுரிமை கொடுத்து மேலே கொண்டு வருவார்களோ அதேபோல அரசியலிலும் வாரிசுகள் முன்னுரிமை பெற்று ஆதிக்கம் செலுத்தி வருகிறார்கள். திமுக ஸ்டாலின் உதயநிதி, பாமக ராமதாஸ் அன்புமணி, ஓபிஎஸ் அவருடைய மகன் ஓபி ரவீந்திரநாத் வரிசையில் வைகோவும் இந்த லிஸ்ட்டில் இணைந்துள்ளார்.

வைகோ மகன் துரை வைகோ கட்சிக்குள் வந்தபிறகு அவரின் ஆதிக்கம் நாளுக்கு நாள் அதிகரித்து வருகிறது. முன்னணி தலைவர்களை மதிக்காமல் தனக்கு வேண்டப்பட்ட நபர்களுக்கு பதவி கொடுப்பது போன்ற வேளைகளில் ஈடுபட்டு வருகிறார். வைகோவுடன் ஆரம்பம் முதலே பயணித்தவர் மல்லை சத்யா. இவர் தற்போது மதிமுக கட்சியின் துணை பொதுச்செயலாளர் பதவி வகித்து வருகிறார்.

தற்போது தனக்கு துரோகி பட்டம் கொடுத்து தன்னை வெளியேற்றப்பார்க்கிறார் வைகோ என்னும் குற்றச்சாட்டை முன்வைத்துள்ளார் மல்லை சத்யா. குடும்ப அரசியலை எதிர்த்து மதிமுகவை ஆரம்பித்த வைகோ இப்போது துரைவைகோவிற்காக எனக்கு துரோகி பட்டம் கொடுக்கிறார். துரோகி பட்டம் கொடுத்து என்னை மதிமுகவில் இருந்து வெளியேற்ற முயற்சி செய்கிறார்கள்.

வைகோவின் உயிரை 3 முறை காப்பாற்றிய என்னை துரோகி என்று சொல்லும் அளவுக்கு வைகோ துணிந்து விட்டார். வாரிசு அரசியலுக்காகத்தான் என்னுடைய மகனுக்காகத்தான் இதை எல்லாம் செய்தேன் என்று வைகோ என்னை கட்சியை விட்டு துரத்தப்பார்ப்பது மனக்கவலை அளிப்பதாக பேட்டி கொடுத்துள்ளார் மல்லை சத்யா.

TVK: நடிகர் விஜய் தமிழக வெற்றிக் கழகம் என்று கட்சியை தொடங்கி மாநாட்டையும் நடத்தி முடித்து தனது கொள்கை எதிரி மதவாத எதிரி யார் என்பதை தெளிவாக கூறிவிட்டார். தற்போது நடந்து முடிந்த செயற்குழு கூட்டத்தில் கூட ஒருபோதும் நாங்கள் பாஜக மற்றும் திமுகவுடன் கூட்டணி வைக்க மாட்டோம் எனக் கூறியுள்ளார். இவர் சினிமாவை விட்டு முழுமூச்சாக அரசியலில் இறங்குவேன் எனவும் தெரிவித்துள்ளார்.

அதிலும் இவரது கடைசி படமாக ஜனநாயகன் உள்ளது. இப்படத்தின் மீது பலருக்கும் எதிர்பார்ப்பு அதிகரித்துள்ளது. அதுமட்டுமின்றி தன்னுடன் கூட்டணி வைத்துக் கொண்டால் அவர்களுக்கு ஆட்சியில் பங்கு என்றும் கூறியுள்ளார். ஆனால் இவரைப் போல் வேறு எந்த கட்சியினரும் கூட்டணிக்காக இந்த சலுக்கையை கொடுத்ததில்லை. இவரின் வருகையை பாராட்டி சினிமா பிரபலங்கள் பலரும் நேரடி மற்றும் மறைமுக ஆதரவு கொடுத்துதான் வருகின்றனர்.

அந்த வகையில் செந்தூரா படத்தை எடுத்த இயக்குனர் தற்போது யாதும் அறியான் என்ற படத்தை எடுத்துள்ளார். இதில் 2024 மற்றும் 2026 யில் எடுக்கப்பட்ட காட்சிகள் அமைக்கப்பட்டுள்ளது. அதில் ஒரு காட்சி தான் தற்போது வைரலாகி உள்ளது. அதாவது 2026 யில் CM ஆக விஜய் இருப்பதாகவும், அதில் யாருக்கும் இனி இலவசம் என்பது கிடையாது எனக்கூறிய போஸ்டர் இடம்பெற்றுள்ளது. மேற்கொண்டு விவசாயிகளை முன்னிறுத்தி பல திட்டங்களை வைத்திருப்பது போலவும் அதில் குறிப்பிட்டுள்ளனர்.

இந்த காட்சியானது படத்தின் ட்ரைலரில் வைத்துள்ளதால் பெருமளவு வைரலாகி வருகிறது. விஜய் ஆட்சிக்கு வந்தாலும் இப்படித்தான் இருக்கும் என்பதை முன்கூட்டியே தெரியவைக்கவே இந்த போஸ்டர் என அவரது ஆதரவாளர்கள் கூறுவதோடு பலரது கவனத்தையும் ஈர்த்துள்ளது. விஜய்யின் மறைமுக உதவி இந்த படத்திற்கு இருந்திருக்கும் என்றும் கூறுகின்றனர்.

PMK: பாமக கட்சிக்கும் தலைமை பதவிக்கான மோதல் போக்கானது தற்போது வரை தீர்ந்தபாடில்லை. அப்பா மகன் இருவரும் தனித்தனியாக அறிக்கை விட்டு, நான் தான் தலைவர் எனக் கூறி வருகின்றனர். ஆனால் பாமக கட்சியின் உண்மையான தலைவர் யார் என்று தெரியவில்லை. இந்த கட்சியை ஆரம்ப கட்டத்திலிருந்து தலை தூக்க பாடுபட்டவர் ராமதாஸ் தான். அதனால் அவர் தான் தலைவர் என்று பலரும் வழி மொழிகின்றனர். அவர் பார்த்து அமர்த்தியவர்தான் அன்புமணி, எப்படி இப்போது வந்தவர் தலைவராகிட முடியும் என்றும் கேட்கின்றனர்.

இவ்வாறு இருக்கையில் கட்சி இரண்டாகப் பிரியும் சூழல் உருவாகியுள்ளது. அதிலும் அன்புமணி கூறுவதாக, எனது அப்பாவுக்கு சில பேர் தங்களின் சுயநலத்துக்காக சொல்லிக் கொடுக்கின்றனர். அதேபோல திமுக தற்போது இவர் மீது கரிசனம் காட்டுகிறது. அவர் குழந்தை போன்றவர் என விமர்சனம் செய்திருந்தார். மேற்கொண்ட ஜிகே மணி தான் இவர்கள் பிரிவுக்கு காரணம் என்ற பேச்சும் கட்சிக்குள் இருந்து வருகிறது. ஆனால் அவரோ, இருவரும் ஒன்று சேர வேண்டுமென செய்தியாளர்கள் சந்திப்பில் கூறியுள்ளார்.

சமீபத்தில் ராமதாஸ் திமுகவுடன் கூட்டணி வைப்பது ரீதியாக மும்முரம் காட்டி வருகிறார். இதற்கு காரணம் ஜிகே மணி தான் என கூறுகின்றனர். நாம் திமுகவுடன் கூட்டணியில் இருந்த போது நல்ல வரவேற்பு இருந்தது. தற்போது பாஜகவுடன் கூட்டு வைத்து தான் தங்களுக்குறித்த பெயர் இல்லை. அதனால் மீண்டும் திமுக உடன் இணையலாம் என கூறுகிறாராம். மேற்கொண்டு திமுக முக்கிய அமைச்சர்களுடன் ரகசிய பேச்சுவார்த்தை நடந்து கொண்டு தான் இருக்கிறதாம். மற்றொரு பக்கம் பாஜகவுடன் கூட்டணி வைக்கவே அன்புமணி விரும்புவதாக கூறப்படுகிறது.

TVK: 2026 சட்டமன்றத் தேர்தல் நடைபெறும் பட்சத்தில் எந்த கட்சி யாருடன் கூட்டணி வைப்பார்கள் என்பது குறித்து தெளிவான விளக்கம் இல்லை. அதிலும் திமுக மட்டும் தான் தனது பழைய கூட்டணியை அப்படியே வைத்துள்ளது. மேற்கொண்டு பாஜக பாமக அதிமுக என மாற்றுக் காட்சியினர் தற்போது வரை கூட்டணி குறித்து குழப்பத்தில் தான் உள்ளனர்.

இதில் அதிமுக பாஜக மீண்டும் கூட்டணி வைத்தாலும் அது சட்டமன்ற தேர்தல் வரை தொடருமா என்று தெரியவில்லை. பாஜக கூட்டணி ஆட்சி முறை எனக் கூறி வருவதால் அதிமுக இடையே அதிருப்தி நிலவி வருகிறது. இதனால் இறுதிவரை கூட்டணி என்பது சற்று கடினம் தான் என கூறுகின்றனர். அதே சமயம் தேமுதிக பாமக இரு கட்சிகளும் தமிழக வெற்றிக் கழகத்துடன் கைகோர்க்க அதிக வாய்ப்புள்ளதாம்.

அதிமுகவுடன் தேமுதிக  கைகோர்த்திருந்த நிலையில் எம்பி சீட் வழங்காததால் மீண்டும் கூட்டணி வைத்துக் கொள்வது குறித்து பேசப்படவில்லை. இதனால் ஆட்சியில் பங்கு தரும் விஜய்யுடன் கைகோர்க்க இருப்பதாக தகவல்கள் வெளியாகி உள்ளது. அதேபோலத் தான் பாமகவும்  விஜய்யுடன் சேர உள்ளதாம். முன்னதாகவே கட்சிக்குள் தலைமை பதவிக்கு சண்டை நடந்து கொண்டிருக்கும் நிலையில், ராமதாஸுக்கு அனைத்து அதிகாரமும் செல்லும் பட்சத்தில் அவர் விஜய்யுடன் இணைய அதிக வாய்ப்புள்ளதாக கூறுகின்றனர்.

அதுமட்டுமின்றி பல நாட்களாக ஸ்டாலினுடன் மன கசப்பிலிருக்கும் திருமா-வுடனும் ரகசிய பேச்சுவார்த்தையில் உள்ளாராம். வரப்போகும் சட்டமன்ற தேர்தலில் தேமுதிக பாமக விசிக என அனைவருடனும் கூட்டணி வைத்து ஸ்டாலினை எதிர்க்க போவதாக கூறுகின்றனர்.

PMK: பாமக கட்சியைக்குள் அப்பா மகனுக்கிடையே உட்கட்சி மோதல் இருந்து வருகிறது. இதில் தலைமை பொறுப்பில் தற்போது ராமதாஸ் இருந்தாலும் அதனை அன்புமணி இருக்கவில்லை. மேற்கொண்டு ராமதாஸ் அன்புமணி இருவரும் தனி தனி நிர்வாகிகளை அமர்த்தியும் அதனை மற்றொருவர் நீக்கியும் வருகின்றனர். இதனால் கட்சியில் உள்ள பொறுப்புகளுக்கு யார் தான் நிர்வாகி என்ற குழப்பம் எழுந்துள்ளது.

அதாவது ராமதாஸ் நிர்வகிக்கும் நிர்வாகி செயல்படுவாரா அல்லது அன்புமணி நியமனம் செய்யும் நிர்வாகி செயல்படுவாரா என்ற குழப்பம் எழுந்துள்ளது. இந்நிலையில் ராமதாஸ் நியமனம் செய்த புதிய நிர்வாகிகளுடன் செயற்குழு கூட்டம் ஒன்றை நடத்தினார். அதில் அவரது மூத்த மகள் காந்திமதியும் கலந்து கொண்டார். இவ்வாறு அவர் அரசியல் சார்ந்த நிகழ்ச்சிகளில் கலந்து கொள்வதை வைத்து பொறுப்பு ஏதாவது வழங்கப் போகிறாரா என்று கேள்வியை செய்தியாளர்கள் ராமதாஸிடம் கேட்டுள்ளனர்.

அவர்களுக்கு பதிலளிக்கும் வகையில் ராமதாஸ் கூறியதாவது, தங்கள் குடும்பத்தில் இருக்கும் பெண்கள் ஏற்கனவே அரசியலுக்குள் வந்துவிட்டார்கள். அதுமட்டுமின்றி மாநாட்டில் அனைத்து வேலைகளையும் முன்நின்று செய்ததும் பெண்கள் தான். அந்த வகையில் காந்திமதிக்கு தற்போது வரை எந்த பொறுப்பும் வழங்கப்படவில்லை எனக் கூறிவிட்டு, போகப்போக தெரியும் என்று பாடலை பாடினார். இதற்குப் பின்னால் கட்டாயம் ஏதேனும் ஒரு காரணம் இருக்கும் என்பது தெரிகிறது.

அன்புமணியின் மனைவிக்கு எதிராக தனது மகளை களத்தில் இறக்க ராமதாஸ் தயார் செய்வதாகவும் வரப்போகும் தேர்தலில் இவருக்கு முக்கிய பொறுப்பு கொடுக்கப்படும் என்று பேச்சுக்கள் அடிபட்டு வருகிறது.