DMK TVK BJP: சட்டமன்ற தேர்தலுக்காக தமிழக அரசியல் களம் எப்போதும் இல்லாத அளவு இந்த முறை புதிய வேகமெடுத்துள்ளது. திமுக அமைச்சர்கள் மீதான ஊழல் புகார், அதிமுகவில் ஏற்பட்டுள்ள பிரிவினை, நடிகர் விஜய்யின் அரசியல் வருகை போன்றவை இதற்கு முக்கிய காரணங்களாக பார்க்கப்படுகிறது. அதிலும் முக்கியமாக தமிழக வெற்றிக் கழகம் அரசியல் களத்தில் மிகப்பெரிய மாற்றத்தை ஏற்படுத்தி கொண்டிருக்கிறது. இந்நிலையில் விஜய் திமுகவை அரசியல் எதிரி என்றும், பாஜகவை கொள்கை எதிரி என்றும் கூறி கடுமையாக எதிர்த்து வந்தார். மேலும் அவர்களுடன் கூட்டணி சேர மறுப்பு தெரிவித்தார். ஆனால் பாஜக விஜய்யை கூட்டணியில் சேர்க்கும் முயற்சியை கைவிடவில்லை.
இவ்வாறான நிலையில் தான் அதிமுகவிலிருந்து நீக்கப்பட்ட செங்கோட்டையன் தவெகவில் சேர்ந்தார். இவர் பாஜக உடன் மிகவும் நெருக்கம் காட்டி வந்த நபர் என்பதால் விஜய்யை கூட்டணிக்கு கொண்டு வர, பாஜக மூலம் இவர் அனுப்பப்பட்டிருக்கிறார் என்று பலரும் கூறுகினர். ஆனால் பாஜகவை சேர்ந்தவர்களும், செங்கோட்டையனும் இதனை அறவே மறுத்து வந்தனர். செங்கோட்டையன் தவெகவில் சேர்வதற்கு முன்பு, திமுக அமைச்சர் சேகர் பாபுவை சந்தித்து பேசினார். இதனால் இவர் விஜய்யை வீழ்த்த திமுகவின் ஸீலீப்பர் செல்லாக சென்றிருக்கிறார் என்றும் வதந்திகள் பரவியது.
இந்நிலையில் இதனை உறுதிப்படுத்தும் விதமாக பாஜக மாநில தலைவர் நயினார் நாகேந்திரன் ஒரு கருத்தை கூறியுள்ளார். தவெக பாஜகவின் பி டீமா? என்று பரவும் தகவல் குறித்து அவரிடம் கேட்ட போது, ஒரு பொய்யை திரும்ப திரும்ப சொல்வது திமுகவின் வழக்கம். செங்கோட்டையன் தவெகவில் சேர்வதற்கு முன்பு அமைச்சர் சேகர் பாபுவை சந்தித்து விட்டு தான் சென்றார். இதனால் தவெக, திமுகவின் பி டீமா? என்று கேள்வி எழுப்பியுள்ளார். இவர் இதற்கு முன்பு ஒரு முறை இதனை கூறியதும் குறிப்பிடத்தக்கது. இவ்வாறு இந்த கருத்தை பலரும் முன் வைத்து வருவது விவாதமாக்கப்பட்டுள்ளது.