நடிகர் ரஜினிகாந்த் நடிக்கும் லால் சலாம்! கை திருட்டில் ஈடுபட்டதாக புகார்!
நடிகர் ரஜினிகாந்த் அவர்கள் சிறிய தோற்றத்தில் நடிக்கும் லால் சலாம் திரைப்படம் கதை திருட்டில் சிக்கியதாக தகவல் கிடைத்துள்ளது.
நடிகர் ரஜினிகாந்த் அவர்களின் மூத்த மகளும் இயக்குநருமான ஐஸ்வர்யா ரஜினிகாந்த் அவர்கள் தற்பொழுது லால் சலாம் திரைப்படத்தை இயக்கி வருகிறார். நடிகர் விஷ்ணு விஷால், நடிகர் விக்ராந்த் முன்னணி கதாப்பாத்திரங்களில் நடிக்க நடிகர் ரஜினிகாந்த் அவர்கள் கேமியோ ரோலில் நடித்து வருகிறார்.
லைகா புரொடக்சன்ஸ் தாயாரிக்கும் லால் சலாம் திரைப்படத்நிற்கு இசைப்புயல் ஏ.ஆர்.ரஹ்மான் இசை அமைக்கிறார். இந்த நிலையில் லால் சலாம் திரைப்படம் கதை திருட்டில் ஈடுபட்டதாக தகவல்கள் பரவி வருகின்றது.
சமீபத்தில் இந்த திரைப்படத்தின் போஸ்டர்கள், மற்றும் படத்தை பற்றி கேள்விப்பட்ட தகவல்களை வைத்து உதவி இயக்குநர் ஒருவர் லால் சலாம் என்னுடைய கதை என்று சர்ச்சையை கிளப்பினார்.
இதை அறிந்த இயக்குநர் ஐஸ்வர்யா ரஜினிகாந்த் அவர்கள் குற்றம் சாட்டிய அந்த உதவி இயக்குநரை அழைத்து அவருடைய கதையை வாங்கி படித்தார். இதையடுத்து உதவி இயக்குநருடைய கதைக்கும் லால்சலாம் படத்தின் கதைக்கும் எந்த சம்பந்தமும் இல்லை என்று தெரியவந்தது. இதையடுத்து லால் சலாம் திரைப்படத்தின் கதை திருட்டு கதை என்று பரவிய வதந்திக்கு இயக்குநர் ஐஸ்வர்யா ரஜினிகாந்த் அவர்கள் முற்றுப் புள்ளி வைத்துள்ளார்.
