வாக்காளர் அடையாள அட்டை என்பது மிக முக்கிய ஆதாரமாக பார்க்கப்படும் நிலையில் இந்திய தேர்தல் ஆணையம் வாக்காளர் அடையாள அட்டை தொடர்பான சேவைகளை விரிவுபடுத்த புதிய வழிமுறைகளை அறிவித்துள்ளது.

அதன்படி வாக்காளர் பட்டியலில் முகவரி மாற்றம், பெயர் திருத்தம், புதிதாக பதிவு செய்தல் அல்லது இதர திருத்தங்களுக்கு விண்ணப்பிக்கும் பொழுது 15 நாட்களுக்குள் வாக்காளர் அடையாள அட்டை வழங்கப்படும் எனவும் தெரிவித்துள்ளனர்.

வாக்காளர்களுக்கு இந்த சேவைகளை எளிமையாக்கவும் தாமதங்களை குறைக்கவும் வழிவகுக்கும். இந்த புதிய வழிமுறைகளை அடிப்படையில் விண்ணப்பங்கள் ஆன்லைனில் அல்லது அருகில் உள்ள வாக்காளர் பதிவுகளில் நேரடியாக சென்று சமர்ப்பிக்க வேண்டும் விண்ணப்பங்களை பெற்றவுடன் கள ஆய்வு மற்றும் சரிபார்ப்பு செயல்முறைகள் அடுத்த ஏழு நாட்களுக்குள் முடிக்கப்படும்.

அதன் பிறகு எட்டு நாட்களில் அடையாள அட்டை அச்சிடப்பட்டு விநியோக செய்யப்பட இருப்பதாகவும் தெரிவித்துள்ளனர். மேலும் இந்த செயல்முறையில் இளைஞர்கள் மற்றும் முகவரி மாற்றம் செய்ய விரும்புவோருக்கு வசதியாக இருக்கும் எனவும் இந்திய தேர்தல் ஆணையம் தெரிவித்துள்ளது.

தேர்தல் ஆணையம் வாக்காளர் பட்டியல், சரிபார்ப்பு மற்றும் புதுப்பிப்பு பணிகளை தீவிரப்படுத்தி வரும் நிலையில் ஜூலை ஒன்றாம் தேதி முதல் ஆகஸ்ட் 31ம் தேதி வரை சிறப்பு வாக்காளர் பட்டியல் திருத்த முகாம்கள் நாடு முழுவதும் நடத்த இருப்பதாக தெரிவித்துள்ளனர்.

18 வயது பூர்த்தி அடைந்தவர்கள் இந்த முகாம்களில் பதிவு செய்து வாக்காளர் அட்டையை பெற்றுக் கொள்ளலாம். அடுத்த 15 நாட்களில் உங்கள் அடையாள அட்டை வீடு தேடி வரும் என்று தலைமை தேர்தல் ஆணையர் தெரிவித்துள்ளார்.

2026 ஆண்டு நடைபெற உள்ள மாநில சட்டப்பேரவை தேர்தல்களை முன்னிட்டு வாக்காளர் பட்டியலை முழுமையாக புதுப்பிக்கவும் வாக்குப்பதிவு செயல்முறையை வெளிப்படையாக மாற்ற திட்டமிடப்பட்டுள்ளது