தமிழ் சினிமாவில் முன்னணி நடிகராக இருப்பவர் விஜய் இவர் சினிமாவில் இருக்கும் பொழுதே பல்வேறு நலத்திட்ட உதவிகளை மக்களுக்காக செய்து வந்த நிலையில் அண்மையில் தமிழக வெற்றிக் கழகம் என்ற புதிய கட்சியை தொடங்கினார்.

இந்த கட்சியின் மூலம் தற்போது பல்வேறு நலத்திட்ட உதவிகள் மக்களுக்காக செய்து வருகின்றனர். மேலும் 2026 தேர்தல் தான் தனது குறிக்கோள் என விஜய் கூறிவரும் நிலையில் அதற்கு தனது கட்சியை தயார் செய்து வருகின்றார் தற்போது தமிழக வெற்றிக் கழகம் எந்த கட்சியுடன் கூட்டணி அமைக்கும் என மிகப் பெரிய எதிர்பார்ப்பு உள்ளது. மேலும் திமுக தான் அரசியல் எதிரி என விஜய் கூறியுள்ள நிலையில் அதிமுகவுடன் கூட்டணி அமைக்க வாய்ப்பு இருப்பதாக பலரும் பேசி வந்தனர்.

அதிமுக தற்போது மீண்டும் பாஜகவுடன் கூட்டணி வைத்துள்ள நிலையில் விஜயை தங்கள் கூட்டணிக்கு இழுக்க வேண்டும் என முயற்சியை மேற்கொண்டு வருவதாக கூறப்படுகின்றது. ஆனால் பாஜக இருக்கும் கூட்டணியில் விஜய் சேர்வாரா என்பது கேள்விக்குறியாக நிற்கின்றது. அண்ணாமலை தனிக்கட்சி ஆரம்பித்து விஜய்யுடன் கூட்டணி அமைப்பார் என்றும் அதற்கு ரஜினி ஆதரவு தர வாய்ப்புள்ளதாகவும் செய்திகள் பரவி வருகின்றது.

விஜய் தலைமையிலான ஒரு புதிய கூட்டணி உருவாகும் எனவும் அதில் தேமுதிக, அதிமுக, பாமக, மதிமுக, காங்கிரஸ் உள்ளிட்ட கட்சிகள் இணைய அதிக வாய்ப்பிருப்பதாகவும் பேசப்படுகின்றது. வரும் 2026 தேர்தல் விஜயை மையப்படுத்தி இருக்கும் என மிகப் பெரிய எதிர்பார்ப்பு உள்ளது. விஜய்க்கு லட்சக்கணக்கான ரசிகர்கள் உள்ள நிலையில் அரசியரைப் பொறுத்தவரை அவர் ஒரு புது முகாம். அரசியல் தந்திரங்கள் தெரியாது அவர் ஒரு போராட்டத்தை கூட களத்தில் இறங்கி நடத்தவில்லை எனவும் மக்களை சந்திக்கவில்லை என விமர்சனங்கள் தொடர்ந்து எழுந்து வருகின்றது.

இந்நிலையில் அண்மையில் மதுரை வந்த அமித்ஷா தனது கட்சி பிரமுகர்களிடம் எப்படியாவது விஜயை நமது கூட்டணிக்கு கொண்டு வந்து விடுங்க. அவர் இருந்தால் தான் திமுகவை வீழ்த்த முடியும் என உத்தரவிட்டதாக கூறப்படும் நிலையில் அதற்கான ஆலோசனைகள் நடத்தப்பட்டு வருவதாகவும் கூறுகின்றனர்.