பூமியில் பிறந்த ஒவ்வொரு மனிதனுக்கும் ஒவ்வொரு தனி திறமை உண்டு. அதை தன் உழைப்பால் முயற்சி செய்தாலே போதும் ஒவ்வொருவரும் ஒரு நல்ல நிலைமையை அடைந்து விடுவார். அந்த உழைப்பால் ஒரு செயலை முயற்சி செய்யும்போது அந்த இலக்கை எளிதில் அடைய சில வழிகளை பின்பற்றினாலே போதும்.
அது என்ன வழிகள்?
ஒரு நேரத்தில் ஒரு செயலை செய்யும் பொழுது முழுமையாக செய்து முடித்து விடுங்கள். ஒரே நேரத்தில் இரண்டு மூன்று செயல்களை செய்தால் ஒரு செயல்கள் கூட முழுமை பெறாது.
எந்த ஒரு விஷயத்தையும் பதட்டப்படாமல் பொறுமையுடன் கையாள வேண்டும்.அவ்வாறு பதட்டப்பட்டால் நாம் எடுக்கும் ஒவ்வொரு முடிவும் செயலும் பலனின்றி போகும்.
ஒரு செயலை செய்யும் பொழுதும் முழு மனதுடன் செய்ய வேண்டும்.ஒரு செயலை செய்யும் பொழுது முழு மனதையும் செலுத்துவதனால் அந்த காரியத்தை எளிதில் செய்து முடித்து விடலாம்.
தேவைப்படும் பொழுது ஒரு செயலை செய்யும் பொழுது சிறிது இடைவெளியை எடுத்துக்கொண்டு பின்பு செய்வது தவறில்லை.
உங்களின் சிந்தனைகள் எப்பொழுதும் உங்களை மேம்படுத்துவதாக இருக்க வேண்டும். உங்களின் எதிர்மறையான சிந்தனைகளை தவிர்ப்பது நல்லது.
ஒரு செயலை செய்யும் பொழுது அந்த செயலுக்கான நேரத்தை ஒதுக்கி கொள்ள வேண்டும். அந்த நேரத்தில் அந்த செயலை செய்து முடிக்க பழகிக் கொள்ள வேண்டும். நேரத்தை சரியாக பயன்படுத்தினாலே வெற்றி நம் வசப்படும்.
ஒரு மனிதனுக்கு ஓய்வு என்பது மிகவும் அவசியமான ஒன்றாகும். நீங்கள் சோர்வடையும் நேரத்தில் உங்கள் மூளையும் சோர்வடைந்து விடும். அதனால் அந்த செயலில் உங்கள் வலிமையும் திறமையையும் காட்ட முடியாது. எனவே சோர்வாக இருக்கும் பொழுது ஓய்வு எடுத்த பின்பு ஒரு காரியத்தை செய்தால் நல்ல முடிவுகளை தரும்.
எப்பொழுதும் சிரித்த முகத்துடன் இருந்து பழகிக்கொள்ள வேண்டும்.நாம் வாயார புன்னகைத்தால் எப்போதும் அனைத்து மன அழுத்தங்களும் காணாமல் போய்விடும்.
ஒரு வேலையைச் செய்யும் பொழுது அந்த செயலுக்கு தேவையானவற்றை மட்டுமே யோசிக்க வேண்டும். தேவையற்ற சிந்தனைகளை தவிர்த்து விடுவது நல்லது.
நம் வாழும் வாழ்க்கையை ஒவ்வொரு நிமிடமும் ரசித்து, வரும் துன்பங்களை கூட இன்பங்களாக்கி மகிழ்ச்சியுடன் வாழ கற்றுக்கொள்ள வேண்டும்.
இந்தப் பத்தையும் உங்கள் வாழ்க்கையில் நீங்கள் கடைபிடித்து வருகையில் உங்களுக்கு தோல்வி என்பது ஒன்று இருக்கவே இருக்காது. நீங்கள் கையில் எடுக்கும் அனைத்து செயல்களும் உங்களுக்கு வெற்றியே!!
