வைரமுத்துவிற்கு அறிவிக்கப்பட்டு இருக்கின்ற ஓ.என்.வி இலக்கிய விருதிற்கு நடிகை பார்வதி மற்றும் சின்மயி உள்ளிட்டோரிடம் இருந்து எதிர்ப்பு கிளம்பியதை தொடர்ந்து விருதுகள் குழுவின் பரிந்துரைகளின் படி இந்த வருடத்திற்கு வைரமுத்துவிற்கு அறிவிக்கப்பட்டிருக்கும் ஓ என் வி இலக்கிய விருது தொடர்பாக மறு பரிசீலனை செய்வதற்கு முடிவு செய்து இருப்பதாக அறிக்கை வெளியிடப்பட்டிருக்கிறது.
இந்த சூழ்நிலையில் கேரளாவின் மிக உயரிய இலக்கிய விருதான ஓ என் வி விருதை திருப்பி கொடுப்பதாக கவிஞர் வைரமுத்து தெரிவித்திருக்கிறார். விருதுக்கான பரிசுத் தொகை 3 லட்சத்தை கேரளா முதலமைச்சர் நிவாரண நிதிக்கு கொடுப்பதாகவும், காழ்புணர்ச்சி உடைய ஒரு சிலரின் குறுக்கீடு காரணமாக, விருது மறுபரிசீலனை என்று அழைக்கப்பட்டதாக அவர் கூறியிருக்கிறார்.
