ஒவ்வொரு கல்வியாண்டிலும் பள்ளிகள் திறக்கப்பட்ட உடனே அந்த ஆண்டுக்கான கால அட்டவணையை பள்ளி கல்வித்துறை வெளியிடுவது வழக்கம். அந்த வகையில் இந்த ஆண்டில் எத்தனை நாட்கள் பள்ளி வேலை நாள் மற்றும் காலாண்டு அரையாண்டு விடுமுறை தேர்வுகள் எப்போது நடத்தப்படும் என்பது குறித்து தகவல்கள் வெளியாகி உள்ளது.

நடப்பு கல்வியாண்டுக்கான நாட்காட்டியை பள்ளி கல்வித்துறை வெளியிட்டுள்ளது. இந்நிலையில் மொத்தம் 210 நாட்கள் பள்ளி செயல்படும். 2026 ஏப்ரல் 24 ஆம் தேதி இந்த கல்வியாண்டின் இறுதி வேலை நாளாக அறிவிக்கப்பட்டுள்ளது.

மேலும் முதல் இடைப்பருவ தேர்வு ஜூலை 16ஆம் தேதி தொடங்க இருக்கின்றது. காலாண்டு தேர்வு செப்டம்பர் 18ஆம் தேதி தொடங்கி 26 ஆம் தேதி வரை நடைபெறும். ஒன்பது நாட்கள் காலாண்டு விடுமுறை அறிவிக்கப்பட்டுள்ளது. டிசம்பர் 15ஆம் தேதி முதல் 23ஆம் தேதி வரை அரையாண்டு தேர்வு நடைபெறும். அதன் பிறகு 12 நாட்கள் விடுமுறை விடப்பட்டுள்ளது.

அடுத்த ஆண்டு ஏப்ரல் பத்தாம் தேதி முதல் 24ஆம் தேதி வரை இறுதி தேர்வு நடத்தப்பட உள்ளது. அதன் பிறகு கோடை விடுமுறை தொடங்கும். மேலும் இந்த கல்வியாண்டில் தீபாவளிக்கு மூன்று நாட்களும், பொங்கல் பண்டிகைக்கு ஐந்து நாட்களும், அனைத்து சனிக்கிழமைகளிலும் விடுமுறை என அறிவிப்பு வெளியாகி உள்ளது. 10 ,11 மற்றும் 12 ஆகிய பொது தேர்வு எப்போது தொடங்கும் என கால அட்டவணை வெளியாகவில்லை.

மேலும் அண்ணன் தான் மாவட்டங்களில் கோவில் பண்டிகை அல்லது வேறு காரணங்களுக்காக விடப்படும் உள்ளூர் விடுமுறை மற்றும் பேரிடர் இழப்புகளால் ஏற்படும் உள்ளூர் விடுமுறை ஈடு செய்ய சனிக்கிழமைகளில் பள்ளி வேலை நாளாக அறிவிக்கப்படலாம் எனவும் பள்ளி கல்வித்துறை தெரிவித்துள்ளது.