நேர்முக தேர்வு தொடக்கம்! பட்டியல் வெளியிட்ட டி.என்.பி.எஸ்.சி.!
நேர்முகத் தேர்வு குறித்து தமிழ்நாடு அரசு பணியாளர் தேர்வாணையத்தின் டிஎன்பிஎஸ்சி தேர்வு கட்டுப்பாட்டு அலுவலர் கிரன் குராலா நேற்று வெளியிட்ட செய்திக்குறிப்பில் கூறியிருப்பது,
துறை தேர்வுகள் கடந்த பிப்ரவரி 14ஆம் தேதி முதல் பிப்ரவரி 21ஆம் தேதி வரை நடைபெற்றது. இந்த தேர்வுகளில் இரண்டாம் நிலை எழுத்துத் தேர்வுக்கான முடிவுகள் கடந்த ஏப்ரல் மாதம் ஒன்பதாம் தேதி தேர்வாணையத்தின் இணையத்தில் வெளியிடப்பட்டது. இரண்டாம் நிலை மற்றும் மூன்றாம் நிலை மொழி தேர்வுகளுக்கான வாய்மொழித் தேர்வு( நேர்முகத் தேர்வு ) கொரோனா தொற்று காரணமாக தாமதமானது.
இந்த நிலையில் தற்போது இந்த தேர்வு நடைபெற உள்ளது. இது குறித்து நேர்முகத்தேர்வுக்கு ட அனுமதிக்கப்பட்ட தேர்வர்களுக்கு குறுந்தகவல் மின்னஞ்சல் மூலம் அனுப்பப்பட்டுள்ளது. இதற்கான குறிப்பாணை தேர்வாணையத்தின் இணையதளங்களில் வெளியிடப்பட்டுள்ளது.