இளையதளபதி விஜயின் வெற்றி இயக்குனராக வலம் வந்துகொண்டு இருந்தவர் ஏ ஆர் முருகதாஸ் இயக்கத்தில் துப்பாக்கி, கத்தி மற்றும் சர்க்கார் போன்ற திரைப்படங்கள் ரசிகர்களிடையே மிகப்பெரிய வரவேற்பைப் பெற்றது. அதோடு மட்டுமல்லாமல் வசூல் சாதனையும் தனிமுத்திரை படைத்தது.
இப்படியான சூழ்நிலையில், நான்காவதாக விஜய்யை வைத்து அவருடைய 65ஆவது திரைப்படத்தை இயக்க இருப்பதாக ஒரு திட்டம் இருந்தது. ஆனால் அந்த வாய்ப்பு தவறிவிட்டதாக தெரிவிக்கப்படுகிறது. ஏன் என்றால் சூப்பர் ஸ்டார் ரஜினிகாந்த் அவர்களை வைத்து தர்பார் திரைப்படம் எடுத்தார் ஆர் முருகதாஸ். ஆனால் அந்த திரைப்படம் எதிர்பார்த்த அளவு ஓடவில்லை என்று சொல்லப்படுகிறது.
இதன் காரணமாக, முருகதாஸின் சம்பள பிரச்சனை ஆரம்பிக்க தற்போது கோலிவுட்டில் ஏதாவது ஒரு ஹிட் கொடுத்துவிட வேண்டும் என்ற நம்பிக்கையில் முன்னணி கதாநாயகர்கள் இடம் கதை தெரிவித்து வருகிறாராம் ஏ ஆர் முருகதாஸ்.
இருந்தாலும் பல முக்கிய நடிகர்கள் இவருடைய இயக்கத்தில் நடிப்பதற்கு தயக்கம் காட்டி வருவதாக சொல்லப்படுகிறது. இதன் காரணமாக, அல்லு அர்ஜுன் இடம் முருகதாஸ் ஒரு கதை தெரிவித்து இருக்கிறாராம். ஆனால் இப்போது நடிக்க இயலாது எனவும் இரண்டு படங்கள் கமிட்மெண்ட் இருப்பதால் அதனை முடித்துவிட்டு உங்கள் படத்திற்கு கால்ஷீட் தருகிறேன் என்று தெரிவித்து விட்டாராம் அல்லு அர்ஜுன். இதன் காரணமாக மிகுந்த வருத்தத்தில் ஏ ஆர் முருகதாஸ் இருப்பதாக தெரிவிக்கப்படுகிறது.
