GOLD PRICE: இன்று, தங்கம் ஒரு சவரன் ரூ.56,720 க்கு விற்பனையாகி வருகிறது.
ஒரு சவரன் தங்கம் விலை ரூ.59 ஆயிரமாக இந்த வருடம் அக்டோபர் மாதம் உயர்ந்தது. இந்த நிலையில் நவம்பர் மாத முதல் வாரத்தில் தங்கம் விலை சற்று குறையத் தொடங்கியது. அதன் பிறகு மீண்டும் தங்கம் விலை விலையேறப் பெற்றது. டிசம்பர் மாதம் தொடக்கத்தில் ஒரு சவரன் தங்கம் ரூ.58 ஆயிரமாக விற்பனையானது.
அதன் பிறகு டிசம்பர் மாதம் இரண்டாம் வாரத்தில் தங்கம் விலை சற்று குறையத் தொடங்கியது. டிசம்பர்-18 ஒரு சவரன் ஆபரணத் தங்கம் ரூ.57,080 க்கு விற்பனையானது. டிசம்பர்-19 ஒரு சவரன் ஆபரணத் தங்கம் ரூ.56,560-க்கு விற்பனையானது. இந்த நிலையில், டிசம்பர்-20 ஒரு கிராமுக்கு ரூ,30 குறைந்தது, எனவே ஒரு சவரன் ஆபரணத் தங்கம் ரூ.56,320 ஆக விற்பனையாகி வந்த நிலையில் டிசம்பர் 21 அன்று சற்று விலை உயர்ந்து இருக்கிறது.
அதாவது ஒரு கிராமுக்கு ரூ.60 உயர்ந்து இருக்கிறது. எனவே ஒரு கிராம் தங்கம் ரூ.7,100க்கும், ஒரு சவரன் தங்கம் ரூ.56,800க்கு விற்பனையாகிறது. கடந்த இரண்டு நாட்களாக தங்கம் விலையில் எவ்வித விலை ஏற்றமும் இல்லாமல் இருந்து வருகிறது. இந்த நிலையில் இன்று டிசம்பர் 24 தங்கம் ஒரு கிராமுக்கு ரூ. 10 குறைந்து இருக்கிறது.
எனவே ஒரு கிராம் தங்கம் ரூ.7,090-க்கும் ஒரு சவரன் ஆபரணத் தங்கம் ரூ.56,720-க்கு விற்பனையாகி வருகிறது. வெள்ளி விலையில் எவ்வித மாற்றமும் இல்லை. இன்று ஒரு கிராம் வெள்ளி ரூ.99க்கு, ஒரு கிலோ வெள்ளிக்கு ரூ.99,000க்கு விற்பனையாகிறது. தங்கம் விலை சற்று குறைந்து இருப்பதால் தங்கம் வாங்குவோர் மகிழ்ச்சி அடைந்து இருக்கிறார்கள்.
