News4 TamilOnline Tamil News

தமிழ் சினிமாவில் சூப்பர் ஸ்டார் அந்தஸ்த்தில் வளம் வருபவர் நடிகர் விஜய். தற்போது ஜனநாயகன் படத்தில் நடித்து முடித்து விட்டார். இந்த படத்தை தொடர்ந்து நடிகர் விஜய் தீவிர அரசியலில் இறங்கிவிட்டார். விஜய் நடிப்பில் தெலுங்கு இயக்குனர் வம்சி படைப்பள்ளி இயக்கத்தில் தில் ராஜு தயாரிப்பில் உருவான படம் வாரிசு.

2023 ஆம் ஆண்டு பொங்கல் பண்டிகை விடுமுறையின் போது வாரிசு படம் வெளியானது. இந்த படம் வெளியான நேரத்தில் கலவையான விமர்சனத்தை பெற்றாலும் வசூல் ரீதியாக 300 கோடிக்கு மேல் வசூலித்தது. ஆனால் திரைத்துறையை சேர்ந்தவர்கள் இந்த படம் மிகப்பெரிய தோல்வியை சந்தித்தது என்றும், தயாரிப்பாளர் விஜய்யின் மீது கடும் அதிருப்தியில் இருந்ததாகவும் பேசினர்.

இந்நிலையில் வாரிசு படத்தின் தயாரிப்பாளர் தில் ராஜு விஜய் பற்றியும், வாரிசு படம் பற்றியும் மனம் திறந்துள்ளார். விஜய் படப்பிடிப்பு தளத்திற்கு நேரம் தவறாமல் வந்துவிடுவார். மொத்தம் 6 மாதம் கால் சீட் கொடுத்தால் குறித்த நேரத்தில் படத்தில் நடித்து கொடுத்து விடுவார்.

ஒரு மாதத்திற்கு 20 நாட்கள் முழுமையாக நடித்துக் கொடுப்பார். இதை விட மிகப்பெரிய சந்தோசத்தை தயாரிப்பாளருக்கு யாரால் கொடுக்க முடியும். விஜய் மாதிரியே எல்லா நடிகர்களும் இருந்துவிட்டால் எந்த பிரச்சனையும் இருக்காது. வாரிசு படம் வெற்றிப்படமே, வாரிசு படத்தால் எங்களுக்கு மிகப்பெரிய லாபம் கிடைத்தது என்று தயாரிப்பாளர் தில் ராஜு பேட்டி கொடுத்துள்ளார்.

அமீர் கான் நடிப்பில் R.S. பிரசன்னா இயக்கத்தில் அண்மையில் வெளியான படம் சித்தாரே ஜமீன் பர். ஏற்கனவே அமீர் கான் நடிப்பில் உருவான தாரே ஜமீன் பர் படம் மாபெரும் வெற்றி பெற்றது. இந்த படமும் வித்யாசமான ஜானரில் வெளியாகி ரசிகர்களின் ஏகோபித்த வரவேற்ப்பை பெற்று திரையரங்குகளில் ஓடிவருகிறது.

இந்நிலையில் இந்த படத்தை தானே தயாரித்து நடிக்கவும் செய்துள்ளார் அமீர் கான். முதலில் இந்த படத்தின் கதையை கேட்டவுடன் தமிழ் மற்றும் ஹிந்தியில் சிவகார்த்திகேயன் மற்றும் பர்ஹான் அக்தரை ஹீரோவாக வைத்து படம் எடுக்கலாம் என்று அவர்களிடம் பேசியுள்ளார்.

படத்தின் கதை இருவருக்கும் பிடித்துப்போனதால் சித்தாரே ஜமீன் பர் படத்தில் நடிக்க இருவரும் ஒப்புக்கொண்டுள்ளனர். ஒரு கட்டத்தில் படத்தின் கதை அமீர் கானுக்கு ரொம்பவே பிடித்துப்போகவே, நானே இந்த படத்தில் நடிக்கவா என்று இயக்குனர் பிரசன்னாவிடம் கேட்டிருக்கிறார். பிரசன்னாவும் ஓகே சொல்லியிருக்கிறார்.

பின்னர் சிவகார்த்திகேயன் மற்றும் பர்கான் அக்தரிடம் நானே இந்த படத்தில் நடிக்கிறேன், என்னை மன்னித்துவிடுங்கள் என்று அமீர் கான் சொல்லி இருக்கிறார். இந்த முடிவு அவர்களுக்கு மிகப்பெரிய ஏமாற்றத்தை தந்தாலும் என்னுடைய நிலைமையை அவர்கள் இருவரும் புரிந்து கொண்டனர் என்று அமீர் கான் பேட்டி ஒன்றில் குறிப்பிட்டுள்ளார். அமீர் கான் அந்த கதாப்பாத்திரமாகவே மாறி படமும் விமர்சன ரீதியாகவும், வசூல் ரீதியாகவும் மாபெரும் வெற்றி பெற்றுள்ளது.

தமிழ் சினிமாவில் கோமாளி படத்தின் மூலம் இயக்குனராக அறிமுகமானவர் பிரதீப் ரங்கநாதன். கோமாளி படத்திலேயே ஆட்டோ டிரைவராக சிறு தோற்றத்தில் நடித்திருந்தார் பிரதீப். பின்னர் லவ் டுடே படத்தில் ஹீரோவாக அறிமுகமாகி அந்த படத்தையும் இயக்கினார்.

AGS நிறுவனம் மிகக்குறுகிய பட்ஜெட்டில் லவ் டுடே படத்தை தயாரித்தது. படம் இன்றைய 2K கிட்ஸ் காதல் வாழ்க்கையை பிரதிபலிப்பதை போல இருந்ததால் மாபெரும் வெற்றி பெற்றது. வெறும் 5 கோடிக்கு தயாரிக்கப்பட்ட இந்த படம் 90 கோடி ரூபாய் வசூலித்து மிகப்பெரிய வெற்றி பெற்றது.

பின்னர் AGS நிறுவனம் தயாரிப்பில் அஸ்வத் மாரிமுத்து இயக்கத்தில் டிராகன் படத்தில் நடித்தார். இந்த படம் வெறும் 37 கோடி பட்ஜெட்டில் எடுக்கப்பட்டு 130 கோடி வரை வசூலித்து மாபெரும் வெற்றி பெற்றது. தற்போது பிரதீப் ரங்கநாதன் DUDE படத்தில் நடித்து வருகிறார்.

மைத்திரி பிலிம்ஸ் நிறுவனம் மிகவும் பிரம்மாண்டமாக இந்த படத்தை தயாரித்து வருகிறது. பிரதீப் ரங்கநாதனின் மார்க்கெட் இப்போது உச்சத்தில் இருப்பதால் இந்த படத்தை OTT நிறுவனமான Netflix 25 கோடிக்கு வாங்கியுள்ளது. இதனால் படத்தின் தயாரிப்பு நிறுவனமும், படக்குழுவினரும் உற்சாகத்தில் உள்ளனர்.