விஷால் படத்தின் நாயகி ஆகும் விக்ரம் பட நடிகை
விஷால் நடித்து வரும் படம் ஒன்றில் விக்ரம் படத்தின் நாயகி ஒருவர் நடிக்க இருப்பதாக செய்திகள் வெளியாகியுள்ளது.
விக்ரம் நடிப்பில் கௌதம் மேனன் இயக்கத்தில் உருவாகி வந்த ’துருவ நட்சத்திரம்’ என்ற படத்தில் நாயகியாக நடித்து வரும் நடிகை ரித்து வர்மா. இந்த படம் ஒரு சில பிரச்சனை காரணமாக பாதியில் நின்றுள்ளது என்பதும் விரைவில் இந்த படத்தின் அடுத்தகட படப்பிடிப்பு தொடங்கும் என்றும் கூறப்படுகிறது. ஆனால் கௌதம் மேனன் அடுத்தடுத்து பல படங்களில் கமிட் ஆகியுள்ளதால் இந்த படம் எப்போது முடியும் என்று தெரியாது என்றும் ஒரு கருத்து நிலவி வருகிறது.
இந்த நிலையில் விஷால் நடிக்கவுள்ள அடுத்த படத்தில் ’துருவ நட்சத்திரம்’ நாயகி ரித்துவர்மா நாயகியாக நடிக்க ஒப்பந்தமாகியுள்ளதாகவும், இதுகுறித்த பேச்சுவார்த்தை முடிந்து விட்டதாகவும் இதுகுறித்த அதிகாரபூர்வ அறிவிப்பு விரைவில் வெளியாகும் என்றும் படக்குழுவினர்களிடம் இருந்து தகவல்கள் வெளிவந்துள்ளது. விஷால் நடிப்பில் ’அரிமா நம்பி’ மற்றும் ‘இருமுகன்’ ஆகிய படங்களை இயக்கிய இயக்குனர் ஆனந்த் சங்கர் இயக்கும் இந்த படத்தின் படப்பிடிப்பு அடுத்த ஆண்டு தொடங்கவுள்ளது.
இந்த நிலையில் விஷால் தற்போது ’துப்பறிவாளன் 2’ என்ற படத்தில் நடித்து வருகிறார் என்பதும் இந்த படத்தை முடித்துவிட்டு அவர் ‘சக்ரா’ என்ற படத்தில் நடிக்க இருக்கிறார் என்பதும் அதன் பின்னரே அவர் ஆனந்த் சங்கர் இயக்கத்தில் நடிக்க உள்ளார் என்பதும் குறிப்பிடத்தக்கது.