3ஜி சேவையை நிறுத்திய ஏர்டெல்:வாடிக்கையாளர்கள் அதிருப்தி!
ஏர்டெல் நிறுவனம் தனது 3ஜி சேவையை அடுத்த கட்டமாக சில மாநிலங்களில் நிறுத்தியதால் வாடிக்கையாளர்கள் அதிருப்தியடைந்துள்ளனர்.
ஏரடெல் நிறுவனம் கடந்த ஆண்டே தங்களுடைய 3ஜி நெட்வொர்க் சேவையைப் படிபடியாகக் குறைக்க போவதாக அறிவித்தது. அதனால் வாடிக்கையாளர்கள் தங்களிடம் உள்ள 3 ஜி சிம்களை 4 ஜி சிம்களாக மாற்றிக்கொள்ள அறிவுறுத்தியது. அதையடுத்து முதன் முதலாக கொல்கத்தாவில் தங்கள் சேவையை நிறுத்தியது. அங்கு 2ஜி மற்றும் 4 ஜி சேவையை மட்டுமே வழங்கி வந்தது.
இந்நிலையில் தற்போது கொல்கத்தாவை தொடர்ந்து தற்போது மகாராஷ்டிரா, கொல்கத்தா, கோவா, மத்திய பிரதேசம், குஜராத், கேரளா, சத்திஸ்கர், கர்நாடகா, பஞ்சாப், ஹரியாணா உள்ளிட்ட மாநிலங்களிலும் தனது 3 ஜி சேவையை நிறுத்தியுள்ளது. இந்த நடவடிக்கையால் வாடிக்கையாளர்கள் சிரமத்துக்கு ஆளாகியுள்ளனர். இதனால் 3ஜி சேவை மட்டுமே வேலை செய்யும் மொபைல்களில் இனி 2ஜி சேவையை மட்டுமே பெறமுடியும் என்ற சூழல் உருவாகியுள்ளது.
மேலும் மார்ச் மாதத்துக்குள் இந்தியா முழுவதும் 3 ஜி சேவை நிறுத்தப்படும் என அறிவிக்கப்பட்டுள்ளது. அதன் பின் 2ஜி மற்றும் 4 ஜி சேவைகள் மட்டுமே வழங்கப்படும் என அறிவித்துள்ளது. ஜியோவின் வருகைக்குப் பின் தொலைதொடர்பு துறையில் பலமாக அடிவாங்கிய ஏர்டெல் அதிலிருந்து மீள பல்வேறு நடவடிக்கைகளை எடுத்துள்ளது. சமீபத்தில் ஏர்டெல்லின் குறைந்தபட்ச ரீசார்ஜ் தொகையை 23 ரூபாயில் இருந்து 45 ருபாயாக மாற்றியது குறிப்பிடத்தக்கது.