நாம் அடிக்கடி பாத்ரூம் பயன்படுத்துவதால் பாசி,மஞ்சள் கறை மற்றும் அழுக்குகள் படிந்துவிடுகிறது.இதனால் பாத்ரூமில் கெட்ட வாடை வீசத் தொடங்குகிறது.பாத்ரூம் டைல்ஸில் படிந்துள்ள அழுக்கு மற்றும் கறைகள் நீங்க இங்கு கொடுக்கப்பட்டுள்ள குறிப்புகளில் ஒன்றை பின்பற்றுங்கள்.
தேவையான பொருட்கள்:-
1)பேக்கிங் சோடா – நான்கு தேக்கரண்டி
2)டிஜர்ஜெண்ட் பவுடர் – நான்கு தேக்கரண்டி
3)சபீனா பவுடர் – இரண்டு தேக்கரண்டி
4)வினிகர் – இரண்டு தேக்கரண்டி
5)தண்ணீர் – ஒரு பக்கெட்
செய்முறை விளக்கம்:-
*முதலில் ஒரு பாத்திரத்தில் தண்ணீர் ஊற்றிக் கொள்ள வேண்டும்.பிறகு அதில் நான்கு தேக்கரண்டி பேக்கிங் சோடா சேர்த்து நன்றாக மிக்ஸ் செய்ய வேண்டும்.
*அடுத்து நான்கு தேக்கரண்டி டிஜர்ஜெண்ட் பவுடர் சேர்த்து நுரை வரும் வரை நன்றாக மிக்ஸ் செய்து கொள்ள வேண்டும்.
*அடுத்ததாக இரண்டு தேக்கரண்டி சபீனா பவுடர் சேர்த்து மிக்ஸ் செய்து கொள்ள வேண்டும்.பிறகு இரண்டு தேக்கரண்டி வினிகர் ஊற்றி கலந்து கொள்ள வேண்டும்.
*இந்த நீரை பாத்ரூம் முழுவதும் ஊற்றி அரை மணி நேரம் ஊறவிட வேண்டும்.பிறகு பிரஸ் பயன்படுத்தி பாத்ரூமை தேய்த்து கழுவ வேண்டும்.
*இப்படி செய்தால் பாத்ரூமில் இருக்கின்ற அழுக்கு மற்றும் கறைகள் அனைத்தும் நீங்கி பளிச்சிடும்.
மற்றொரு தீர்வு:-
தேவையான பொருட்கள்:-
1)புளி – எலுமிச்சை அளவு
2)பேக்கிங் சோடா – இரண்டு தேக்கரண்டி
3)எலுமிச்சை தோல் கொதிக்க வைத்த நீர் – இரண்டு கப்
செய்முறை விளக்கம்:-
*எலுமிச்சை சாறு பயன்படுத்திய பிறகு இருக்கும் சக்கையை பாத்திரத்தில் போட்டு தண்ணீர் ஊற்றி நன்றாக கொதிக்க வைக்க வேண்டும்.
*பிறகு ஒரு கிண்ணத்தில் புளி போட்டு தண்ணீர் ஊற்றி நன்றாக ஊறவைக்க வேண்டும்.இந்த புளி கரைசலை ஒரு பாத்திரத்தில் ஊற்றிக் கொள்ள வேண்டும்.அடுத்து எலுமிச்சை தோல் கொதிக்க வைத்த தண்ணீரை அதில் ஊற்றி நன்றாக மிக்ஸ் செய்து கொள்ள வேண்டும்.
*அடுத்து இரண்டு தேக்கரண்டி பேக்கிங் சோடாவை அதில் போட்டு நன்றாக மிக்ஸ் செய்து பாத்ரூம் முழுவதும் ஊற்றி 20 நிமிடங்கள் ஊறவிட வேண்டும்.
*பிறகு துடைப்பம் அல்லது பாத்ரூம் பிரஸ் கொண்டு தேய்த்து கழுவினால் அழுக்கு கறைகள் முழுமையாக நீங்கிவிடும்.