உங்கள் கழுத்து பகுதியில் இருக்கின்ற கருமை நீங்க கருவளையம் மறைய இங்கு கொடுக்கப்பட்டுள்ள குறிப்புகளில் ஒன்றை பின்பற்றுங்கள்.

தேவைப்படும் பொருட்கள்:-

1)மஞ்சள் தூள் – கால் தேக்கரண்டி
2)தேங்காய் எண்ணெய் – ஒரு தேக்கரண்டி
3)தேன் மெழுகு – ஒரு தேக்கரண்டி

செய்முறை விளக்கம்:-

முதலில் மேலே சொல்லப்பட்டுள்ள பொருட்களை சொல்லிய அளவுபடி எடுத்துக் கொள்ளுங்கள்.பின்னர் கிண்ணம் ஒன்றை எடுத்து கால் தேக்கரண்டி மஞ்சள் தூள் மற்றும் ஒரு தேக்கரண்டி தேன் மெழுகு சேர்த்துக் கொள்ளுங்கள்.

அதன் பிறகு ஒரு தேக்கரண்டி அளவிற்கு தேங்காய் எண்ணெய் ஊற்றி மிக்ஸ் செய்து அடுப்பில் வைத்து சூடுபடுத்துங்கள்.தேன் மெழுகு உருகி வரும் வரை காத்திருக்க வேண்டும்.

அதன் பிறகு அடுப்பை அணைத்துவிட்டு கலவையை ஆறவிட வேண்டும்.பின்னர் இதை ஒரு டப்பாவில் ஊற்றிக் கொள்ள வேண்டும்.இதை கழுத்து கருமை,கருவளையம்,அக்குள் கருமை மீது தடவினால் அவை சீக்கிரம் குணமாகிவிடும்.

தேவையான பொருட்கள்:-

1)மஞ்சள் தூள் – கால் தேக்கரண்டி
2)கற்றாழை ஜெல் – இரண்டு தேக்கரண்டி

செய்முறை விளக்கம்:-

முதலில் ஒரு கற்றாழை மடல் எடுத்து அதன் தோலை நீக்கிவிட வேண்டும்.பிறகு அதை தண்ணீரில் போட்டு நன்றாக அலசி எடுத்துக் கொள்ள வேண்டும்.

பிறகு இதை மிக்சர் ஜாரில் போட்டு பேஸ்ட் பதத்திற்கு அரைத்துக் கொள்ள வேண்டும்.அடுத்து அதில் கால் தேக்கரண்டி மஞ்சள் தூள் மிக்ஸ் செய்து கழுத்து கருமை,அக்குள்,கண் கருவளையம் உள்ள இடத்தில் பூசினால் அவை சீக்கிரம் குணமாகும்.

தேவையான பொருட்கள்:-

1)அரிசி மாவு – ஒரு தேக்கரண்டி
2)கடலை மாவு – ஒரு தேக்கரண்டி
3)மஞ்சள் தூள் – கால் தேக்கரண்டி

செய்முறை விளக்கம்:-

கிண்ணம் ஒன்றை எடுத்துக் கொள்ளுங்கள்.அதில் ஒரு தேக்கரண்டி அரிசி மாவு சேர்த்துக் கொள்ளுங்கள்.பின்னர் அதில் கடலை மாவு ஒரு தேக்கரண்டி அளவு சேர்த்துக் கொள்ள வேண்டும்.பிறகு கால் தேக்கரண்டி மஞ்சள் தூள் மிக்ஸ் செய்து கொள்ள வேண்டும்.

பின்னர் இரண்டு தேக்கரண்டி அளவு ரோஸ் வாட்டர் சேர்த்து பேஸ்ட் பதத்திற்கு குழைத்துக் கொள்ள வேண்டும்.இந்த கலவையை கழுத்து கருமை,கருவளையம் போன்றவை மீது பூசி ஸ்க்ரப் செய்தால் கருமை தானாக நீங்கிவிடும்.