PMK TVK: 2026 ஆம் ஆண்டு நடைபெற போகும் சட்டமன்ற தேர்தலில் எந்தெந்த கட்சி யாருடன் கூட்டணி வைக்கப் போகிறது என்பது குறித்து தற்போதையிலிருந்தே வியூகம் அமைத்து வருகின்றனர். அந்த வகையில் திமுக கூட்டணியில் எந்த ஒரு மாற்றமும் இல்லை. சட்டமன்றத் தேர்தல் மக்களவை தேர்தல் போன்றவற்றில் யாருடன் கூட்டணி வைத்தார்களோ அவர்களுடனே கூட்டணி வைக்க விரும்புகின்றனர். அதைத்தான் வெற்றி கூட்டணி என்பதையும் பெருமையுடன் கூறி வருகின்றனர். ஆனால் அதிமுக பாஜக உள்ளிட்ட கட்சிகளில் கூட்டணி மாற்றம் உள்ளது.

கடந்த மக்களவைத் தேர்தலில் அதிமுக பாஜக தனித்துப் போட்டியிட்ட நிலையில் தற்போது வரப்போகும் சட்டமன்ற தேர்தலுக்காக மீண்டும் கூட்டணியில் இணைந்துள்ளனர். இப்படி இருக்கையில் தினகரன் பாஜக கூட்டணியில்தான் உள்ளார். ஆனால் தினகரன் பாஜகவுடன் கூட்டணியில் இருப்பது எடப்பாடிக்கு பிடிக்கவில்லை. மாறாக நாம் தமிழர் கட்சி, பாமக தேமுதிக உள்ளிட்டவைகள் தங்களது நிலைப்பாட்டை கூறாமலேயே உள்ளனர். இவர்கள் அனைவரும் யாருடன் கூட்டணி வைக்கப் போகிறார்கள் என்று கேள்வி உள்ளது.

குறிப்பாக பாமக அதிமுகவுடன் கூட்டணி வைக்குமா என்ற பேச்சு அடிபட்ட வந்த நிலையில் இந்த எம்பி தேர்தலால் அது சாத்தியமில்லை என்று அரசியல் வட்டாரங்கள் பேசி வருகின்றனர். மாறாக அன்புமணி ராமதாஸ், விஜய்யுடன் கூட்டணி வைக்கலாம் என்று ஆலோசனை செய்து வருகிறாராம். புதிய கட்சியுடன் கூட்டணி வைக்கும் பொழுது கட்டாயம் வாக்கு சதவீதம் அதிகரிக்கும் என கூறுகின்றனர். ஏனென்றால் விஜய் கட்சிக்கு நல்ல மவுசு இருக்கும் நிலையில் இது ரீதியான முடிவை அன்புமணி எடுத்துள்ளாராம்.

திமுக தங்களுக்கு எதிராக வலுவான கூட்டணி ஏதும் அமைந்துவிடக் கூடாது என்று எண்ணி வரும் நிலையில் விஜய்யுடன் கைகோர்த்து புதிய கூட்டணியை கொண்டு வந்து மக்கள் மனதில் இடம் பிடிக்கலாம் என்ற எண்ணத்தில் உள்ளதாக கூறப்படுகிறது.