தமிழ்நாட்டில் நோய்த்தொற்று பரவலின் தாக்கம் அதிகரித்துக் கொண்டே செல்கிறது. நாள்தோறும் அதிகரித்து வரும் இந்த நோய்த்தொற்று பரவலின் காரணமாக, பொதுமக்கள் அனைவரும் பீதியில் தான் இருந்து வருகிறார்கள்.
இவ்வாறு அதிவேகமாக பரவும் நோய் தொற்று காரணமாக, முன்கள பணியாளர்களும், மருத்துவர்கள் மற்றும் மருத்துவப் பணியாளர்கள் காவல்துறை அதிகாரிகள், அரசியல்வாதிகள் என்று பலரும் உயிரிழந்து வருகிறார்கள். இந்த சூழ்நிலையில், நடிகர் வெங்கட் சுபா நோய்த்தொற்று பாதிக்கப்பட்டு சிகிச்சை பெற்று வந்தார். இந்த நிலையில், இன்று அவர் மரணம் அடைந்திருக்கிறார்.
நடிகரும் திரைத்துறை விமர்சகருமான வெங்கட் சுபா நோய்த்தொற்று காரணமாக, சென்னை தனியார் மருத்துவமனையில் சிகிச்சை பெற்று வந்தார். இந்த நிலையில், அவர் சிகிச்சை பலன் இல்லாமல் மரணம் அடைந்திருக்கிறார். தொலைக்காட்சித் தொடர்களில் நடித்து வந்த சுபா டூரிங் டாக்கீஸ் என்ற யூடியூப் சேனலில் திரைப்படங்களை விமர்சனம் செய்து வந்தார். தயாரிப்பாளராக இருந்து வந்த இவர், மொழி, கண்ட நால் முதல், அழகிய தீயே, உள்ளிட்ட திரைப்படங்களை தயார் செய்திருக்கிறார் என்பது குறிப்பிடத்தக்கது.