திமுகவின் முன்னாள் தலைவரும் முன்னாள் முதலமைச்சருமான கருணாநிதி கடந்த 2018ஆம் ஆண்டு மரணம் அடைந்தார். அதனை தொடர்ந்து அவருடைய மகனான ஸ்டாலின் அந்தக் கட்சியின் தலைவராக பொறுப்பேற்றுக் கொண்டார். இந்த நிலையில், சமீபத்தில் நடைபெற்ற சட்டப்பேரவைத் தேர்தலில் திமுக பெரும்பான்மையான தொகுதிகளில் வெற்றி அடைந்து ஆட்சியில் அமர்ந்தது.
இதேவேளை நேற்றைய தினம் அவருடைய 98 ஆவது பிறந்த நாள் கொண்டாடப்பட்டது. தமிழ்நாட்டின் பல வீடுகளில் அவருடைய புகைப்படமும் வைத்து பிறந்த நாளை கொண்டாடி இருக்கிறார்கள். அதோடு சென்னை மெரினா கடற்கரையில் இருக்கின்ற அவருடைய நினைவிடத்தில் முதலமைச்சர் ஸ்டாலின் மலர் தூவி மரியாதை செலுத்தினார்.
இந்த சூழ்நிலையில், கருணாநிதியின் பிறந்தநாளை முன்னிட்டு பாரதிய ஜனதா கட்சி சார்ந்த நடிகை குஷ்பு உருக்கத்துடன் தன்னுடைய வலைதளப் பக்கத்தில் வாழ்த்து தெரிவித்து விடுகிறார். இதில் அவர் தெரிவித்திருப்பதாவது, நான் ஒருநாள் கூட கருணாநிதியை உணராத நாளில்லை எனக்கு ஒரு கடவுளுக்கு மேல் அவர் இருந்து வந்தார் எனவும், அவர் என்னுடைய மிகச்சிறந்த ஆசிரியராக இருந்தார் என்றும், தெரிவித்திருக்கிறார். உங்களுடைய ஆசிர்வாதம் எப்போதும் என் மீது பொழியும் என்று நான் நம்புகிறேன் என பதிவிட்டு இருக்கிறார். இந்த பதிவு தற்சமயம் இணையதளத்தில் வைரலாகி வருகிறது.