குரு + சனி வக்கிர பெயர்ச்சி பலன்கள் – 2021 துலாம்
மகரத்தில் இருந்து அதிசாரமாக கும்ப ராசிக்கு சென்றுள்ள குரு பகவான் 21 – 6 – 2021 ல் வக்கிரம் ஆகி, 18 – 10 2021 ல் வக்கிர நிவர்த்தி அடைகிறார்.
அதேபோல் கடந்த 23-5-2021 ல் மகரத்தில் வக்ரம் ஆன சனி பகவான், 11-10-2021 ல் வக்கிர நிவர்த்தி அடைகிறார்.
எனவே, குரு மற்றும் சனி ஆகிய இரு கிரகங்களின் வக்ர கதியை கணக்கில் கொண்டே, ஒவ்வொரு ராசிக்கும் பலன்களை அறிய வேண்டும்.
அந்த வகையில், துலாம் ராசிக்கு ஐந்தாம் இடமான கும்பத்திற்கு அதிசாரமாக சென்றுள்ள குரு தற்போது வக்கிரம் அடைந்துள்ளார்.
பொதுவாக குரு பகவான் ஐந்தாம் இடத்தில் இருந்தால் நல்ல பலன்களை தருவார். மனதுக்கு பிடித்த நிகழ்வுகள் பலவற்றை நடத்தி தருவார்.
அப்படிப்பட்ட நிகழ்வுகள் இதுவரை, நடைபெறவில்லை என்றால், வக்கிர குரு அதை நல்லபடியாக நடத்தி தருவார்.
குழந்தைகள் படிப்பில் மந்தமாக இருந்தால் அந்த நிலை மாறும். அவர்களின் கல்வி பெற்றவர்களுக்கு திருப்தியாக இருக்கும்.
மனதில் ஏதேனும் சஞ்சலங்கள் நீடித்துக்கொண்டே இருந்தால், அவற்றுக்கு வக்கிர குரு முற்றுப்புள்ளி வைப்பார்.
நீண்ட நாட்களாக திட்டமிட்ட ஆன்மீக பயணங்களை மீண்டும் வெற்றிகரமாக தொடங்கலாம். ஆலய தரிசனங்கள் மனதுக்கு மகிழ்ச்சியை தரும்.
குருவின் ஐந்தாம் பார்வை, ராசியின் ஒன்பதாம் இடத்திற்கு கிடைப்பதால், தந்தை வழியில் அனுகூலமான பலன்கள் கிடைக்கும்.
மனதுக்குள் உறங்கிய ஆசைகள் நிறைவேறும். விரும்பிய வெளியூர் மற்றும் வெளிநாட்டு பயணங்கள் நல்லபடியாக அமையும்.
மனது நிறைவடையும் நிகழ்வுகள் அனைத்தும் தொடர்ந்து நடக்கும். அதன் மூலம் இரட்டிப்பு மகிழ்ச்சி கிடைக்கும்.
குருவின் ஏழாம் பார்வை, பதினோராம் இடத்தின் மீது விழுவதால், நீண்டகாலம் நிறைவேறாமல் இருந்த ஆசைகள் நிறைவேறும். அரசு மற்றும் அரசு சார்ந்த பணிகளில் இருப்பவர்கள் கூடுதல் ஆதாயம் அடைவார்கள். சிலருக்கு பதவி மற்றும் சம்பள உயர்வும் கிடைக்கும்.
குருவின் ஒன்பதாம் பார்வை ராசியின் மீதே விழுவதால், மனம் நிறைவடைந்து அதன் பூரிப்பு முகத்தில் தோன்றும். அவநம்பிக்கைகள் மறைந்து புதிய தன்னம்பிக்கை பிறக்கும்.
வக்கிர குருவை போல, வக்கிர சனியின் பலன்களை அறிந்துகொள்ள வேண்டியதும் அவசியமாகும்.
அதன்படி, துலாம் ராசிக்கு நான்காம் இடத்தில் இருக்கும் சனி, உடல் ரீதியான அசவ்ரியங்களை ஏற்படுத்தி இருந்தால், அது வக்கிர சனியின் கால கட்டத்தில் மாறும்.
இதுவரை, உங்கள் உழைப்பும் அதன் பலனும் மற்றவர்களுக்கு கிடைத்திருந்தால், இனி அதை நீங்களே அனுபவிக்கும் வாய்ப்பு கிடைக்கும்.
கடன்கள், மற்றும் ஏற்றுக்கொண்ட பொறுப்புக்காக செலுத்த வேண்டிய தவணைகள் முடிவுக்கு வரும். உடல்நிலை பாதிப்புகளும் படிப்படியாக குறையும்.
சனியின் மூன்றாம் பார்வை ஆறாம் இடத்தின் மீது விழுவதால், இதுவரை இருந்த கடன், எதிர்ப்பு மற்றும் நோய்கள் கொஞ்சம் கொஞ்சமாக அகலத் தொடங்கும்.
சிலர், துறை சார்ந்த பதவி உயர்வுகளை பெறுவார்கள். அதன் மூலம் வருவாய் உயர்வதற்கும் வாய்ப்புகள் ஏற்படும். போட்டி பொறாமைகள் மறையும்.
சனியின் ஏழாம் பார்வை, ராசிக்கு பத்தாம் இடத்திற்கு கிடைப்பதால், இதுவரை வேலை மற்றும் தொழிலில் பாதிப்புகளை சந்தித்தவர்கள், இனி முன்னேற்றம் காண்பார்கள். சிலருக்கு புதிய வேலை வாய்ப்புகள் மற்றும் தொழில் வாய்ப்புகள் அமையும். தடைபட்ட பதவி உயர்வுகள் தற்போது கிடைக்க அதிக வாய்புகள் உண்டு.
சனியின் பத்தாம் பார்வை ராசியின் மீதே விழுவதால், இதுவரை இருந்த சோம்பல் மற்றும் மந்த நிலை மாறும். ஏனோ தானோ என்று இருந்த நிலை மாறி, மேற்கொண்ட முயற்சிகளில் உறுதியாக இருக்கும் நிலை உருவாகும்.
ராசிக்கு எட்டாம் இடத்தில் இருக்கும் ராகு, இரண்டாம் இடத்தில் இருக்கும் கேது ஆகியவை நல்ல பலன்களை தரும் நிலையில் இல்லை.
அதிர்ஷ்டங்களை நம்பாமல் உழைப்பை மட்டுமே நம்புவது நல்லது. அதேபோல், இரண்டாம் இடத்தில் இருக்கும் கேது, குடும்பத்தில் சில நெருக்கடியை ஏற்படுத்துவார். அதனால், பேசும்போது வார்த்தைகளை அளந்து பேசுவது அவசியம். தேவை இல்லாத வாக்குறுதிகளை யாருக்கும் கொடுக்காமல் இருப்பது நல்லது.
இதுவரை, கோச்சார குரு மற்றும் சனியால் பாதிப்புகளை சந்தித்து இருந்தால், அது வக்கிர குரு மற்றும் வக்கிர சனியால், முடிவுக்கு வரும். அதனால், கவலைப்பட வேண்டிய அவசியம் இல்லை.
பொதுவாக, ஒருவரது ஜென்ம ஜாதகத்தில் வக்கிரமாக இருக்கும் கிரகம், கோச்சாரத்தில் வக்ரம் ஆகும்போது, அந்த ஜாதகருக்கு, நல்ல பலன்களை தரும் என்பது ஜோதிட விதியாகும்.
ஜென்ம ஜாதகத்தில் வக்கிரம் அடையாத கிரகங்கள், கோச்சாரத்தில் வக்கிரம் அடையும்போது, பெரிய அளவில், நல்ல பலன்களை தருவதில்லை.
எனவே, வக்கிர குரு மற்றும் வக்கிர சனியின் பலன்கள் அவரவர் தனிப்பட்ட ஜாதகத்தை பொறுத்து மாறுபடும்.
மற்ற ராசிகள்:
குரு + சனி வக்கிர பெயர்ச்சி பலன்கள்– 2021 மேஷம்
குரு + சனி வக்கிர பெயர்ச்சி பலன்கள்– 2021 ரிஷபம்
குரு + சனி வக்கிர பெயர்ச்சி பலன்கள்– 2021 மிதுனம்
குரு + சனி வக்கிர பெயர்ச்சி பலன்கள்– 2021 கடகம்
குரு + சனி வக்கிர பெயர்ச்சி பலன்கள்– 2021 சிம்மம்
குரு + சனி வக்கிர பெயர்ச்சி பலன்கள்– 2021 கன்னி
குரு + சனி வக்கிர பெயர்ச்சி பலன்கள்– 2021 விருச்சிகம்
குரு + சனி வக்கிர பெயர்ச்சி பலன்கள்– 2021 தனுசு
குரு + சனி வக்கிர பெயர்ச்சி பலன்கள்– 2021 மகரம்
குரு + சனி வக்கிர பெயர்ச்சி பலன்கள்– 2021 கும்பம்
குரு + சனி வக்கிர பெயர்ச்சி பலன்கள் – 2021 மீனம்
மேஷம் முதல் மீனம் வரை 12 ராசிகளுக்கான வக்கிர குரு மற்றும் வக்கிர சனியின் முழு பலன்களை காண கீழுள்ள வீடியோ பதிவை கிளிக் செய்து பார்க்கவும்.