தேர்தல் வாக்குறுதிய காப்பாற்றல! வெள்ளை அறிக்கை மூலம் வேடிக்கை  காட்டுவதா? டாக்டர் கிருஷ்ணசாமி அட்டாக்!

தமிழக நிதியமைச்சர் பி.டி.ஆர்.பழனிவேல் தியாகராஜன் நேற்று தமிழக அரசின் நிதிநிலை குறித்து வெள்ளை அறிக்கை தாக்கல் செய்தார். இதுகுறித்து அரசியல் கட்சித் தலைவர்கள், விமர்சகர்கள், பொருளாதார வல்லுநர்கள் பல்வேறு கருத்துக்களை கூறி வருகின்றனர்.

இந்நிலையில், புதிய தமிழகம் கட்சியின் தலைவர் டாக்டர் கிருஷ்ணசாமி தனது பேஸ்புக்கில், வெள்ளை அறிக்கை குறித்து விமர்சனம் செய்துள்ளார். அதில் கூறியிருப்பதாவது:-

திமுக தனது தேர்தல் அறிக்கையில் கொடுத்த வாக்குறுதிகளைக் காப்பாற்ற முடியாததற்கான காரணம் தேடும் வெற்று அறிக்கையாகவே இன்றைய வெள்ளை அறிக்கை உள்ளது. திமுகவின் பட்ஜெட்டுக்கு முன்பான வெள்ளை அறிக்கை வாண வேடிக்கையாக இருக்கும் என பெரிது எதிர்பார்க்கப்பட்டது; ஆனால் அது புஷ்வாணமாகவே முடிந்து போய்விட்டது.

தமிழக நிதியமைச்சர் கூறிய காரணங்களையும், கடன் ஏற்பட்டது எப்படி? தேர்தல் அறிக்கையை நிறைவேற்றாமல் இருக்க திமுக அரசு என்னென்ன செய்யப் போகிறது? கூடுதல் வரி விதிப்பு, பேருந்து மின் கட்டண உயர்வு போன்றவை இருக்குமா என்பது குறித்து தனது அறிக்கையில் டாக்டர் கிருஷ்ணசாமி விவரிப்பார் என எதிர்பார்க்கப்படுகிறது.