தாங்கள் மருத்துவ சிகிச்சைகளை பெறவேண்டுமென்றால் நீங்கள் உழைத்து சம்பாதித்த பணத்தை பாதுகாப்பதற்கான ஒரு அற்புதமான வழி இருக்கிறதென்றால் அது ஹெல்த் இன்சூரன்ஸ் பாலிசியை வாங்குவது மட்டும்தான்.
இப்போதெல்லாம் வாங்குபவர்களுக்கு பல்வேறு விருப்பங்கள் இருப்பதால் இந்த செயல்முறை எளிதாகிவிட்டது என சொல்லப்படுகிறது.
இந்த பாலிசியை இணையதளத்திலும் எளிதாக வாங்கிக்கொள்ளலாம், ஆனால் க்ளைம் எனப்படும் காப்பீட்டு கோரிக்கை முழுவதுமாக வழங்கப்படுமா? கோரிக்கை நிராகரிக்கப்படுவதற்கு பல்வேறு காரணங்கள் என்னென்ன என தற்போது விரிவாக பார்க்கலாம்.
ஹெல்த் இன்சூரன்ஸ் பாலிசி என்பது தங்களுக்கும், காப்பீட்டு நிறுவனத்திற்கும், இடையேயான ஒப்பந்தம் என்ற காரணத்தால், நீங்கள் க்ளைம் செயல்முறையை விடாமுயற்சியுடன் பின்பற்ற வேண்டும்.
பல நேரங்களில் இன்சூரன்ஸ் பயனர்கள் முழுமையடையாத அல்லது தவறான விண்ணப்ப படிவங்களை நிரப்புவதை பார்த்திருக்கலாம்.
அல்லது முக்கியமான ஆவணங்கள் இல்லாமல் போகலாம், நீங்கள் வாங்க வேண்டிய பாலிசியை பற்றி முகவர் அல்லது காப்பீட்டு நிறுவன பிரதிநிதியிடம் மனதிலெழும் அனைத்து கேள்விகளையும் கேட்டு ஒவ்வொரு சந்தேகத்தையும் தெளிவுபடுத்துவது மிகவும் நல்லது. இது க்ளைம் நிராகரிப்புக்கான வாய்ப்புகளை குறைக்கும் என்கிறார்கள்.
ஹெல்த் இன்சூரன்ஸ் பாலிசி எடுப்பவர்கள் அவர்களுக்கு அதற்கு முன்னதாக இருக்கின்ற உடல்நலப் பிரச்சினைகள், நோய்கள், தொடர்பாக மறக்காமல் பகிர்ந்து கொள்ள வேண்டும். இது அந்த நோய்க்கு ஏற்றார்போல இன்சூரன்ஸ் பாலிசி மற்றும் பிரீமியம் கட்டணத்தைமாற்ற உதவியாக இருக்கும்.
ஆனாலும் சிலர் ஹெல்த் இன்ஷூரன்ஸ் பாலிசி எடுக்கும்போது ஏற்கனவே இருக்கின்ற நோய்களை பற்றி தெரிவிக்காமல் மறைத்து விடுகிறார்கள்.
இதன் காரணமாக, அந்த நோய் சம்பந்தமான சிகிச்சை உள்ளிட்டவற்றை காரணம் காட்டி இன்சூரன்ஸ் நிறுவனங்கள் முழு சிகிச்சைக்கான பணத்தையும் கொடுக்க மறுத்து விடுகின்றனர்.
ஹெல்த் இன்சூரன்ஸ் பாலிசியை வருடத்திற்கு ஒருமுறை கட்டாயமாக புதுப்பிக்க வேண்டும். பாலிசியை புதுப்பிப்பதால் சில நன்மைகளும் இருக்கின்றன.
உதாரணமாக, நீங்கள் குறைந்த பிரீமியத்தை செலுத்த வேண்டியிருக்கும் ஆனாலும் நீங்கள் உங்களுடைய ஹெல்த் இன்சூரன்ஸ் பாலிசியை புதுப்பிக்கவில்லை என்றால் அது காலாவதியாகிவிடும்.
உங்களுடைய பாலிசி காலாவதி ஆனது என்பது உங்களுக்கு தெரியாமல் நீங்கள் கோரிக்கைக்காக விண்ணப்பம் செய்தால் அது நிராகரிக்கப்படும். ஆகவே உங்களுடைய ஹெல்த் இன்சூரன்ஸ் பாலிசி காலாவதி தேதியை சரி பார்க்க வேண்டும்.
ஹெல்த் இன்ஷூரன்ஸ் பாலிசிகளை பொருத்தவரையில் காத்திருப்பு காலம் என்பது காப்பீட்டு தொகையை பெறுவதற்கு ஒரு குறிப்பிட்ட காலம் வரை காத்திருக்க வேண்டும் என்பதாகும்.
அதாவது சில இன்ஷூரன்ஸ் நிறுவனங்கள் ஏற்கனவே இருக்கும் நோய்கள் அல்லது 2 வருட காத்திருப்புக்கு பிறகு மகப்பேறு சலுகைகளை வழங்குகிறார்கள்.
இந்த கால அளவு காப்பீட்டு நிறுவனத்தின் விதிமுறைகள் மற்றும் நிபந்தனைகள் கிடைத்தவற்றை பொருத்தது என்கிறார்கள். அந்த காத்திருப்பு காலம் முடிவடையும் முன்பாகவே கோரிக்கைகளை எழுப்பினால் அது நிராகரிக்கப்படும்.
ஹெல்த் இன்சூரன்ஸ் பாலிசியிலுள்ள சில நிபந்தனைகளினடிப்படையில் க்ளைம் செய்வதற்கு இயலாது. இந்த நிலைமைகள் விலக்குகள் என்று அழைக்கப்படுகின்றன.
உங்கள் பாலிசி விலக்கப்பட்டதற்கு எதிராக நீங்கள் கோரிக்கையை எழுப்பினால் அது நிராகரிக்கப்படும். இந்த சூழ்நிலையை தவிர்ப்பதற்கு நீங்கள் எப்போதும் பாலிசி ஆவணத்தை முழுமையாக படிக்கவேண்டும் என தெரிவிக்கிறார்கள்.