பெங்களூரை தலைமையிடமாகக் கொண்ட VerSe Innovation நிறுவனம், தனது தலைமை தயாரிப்பு மற்றும் தொழில்நுட்ப அதிகாரியாக (CPTO) Prasanna Prasad அவர்களை நியமித்துள்ளது. Dailyhunt, Josh, NexVerse.ai, Magzter, OneIndia போன்ற பிரபல டிஜிட்டல் தளங்களை இயக்கும் இந்த நிறுவனம், அடுத்த கட்ட வளர்ச்சிக்காக இந்த முக்கிய முடிவை எடுத்துள்ளது.
புதிய பொறுப்பில், நிறுவனத்தின் பொறியியல், தயாரிப்பு மற்றும் தரவு அறிவியல் பிரிவுகளை ஒருங்கிணைத்து வழிநடத்துவது பிரசன்னாவின் முக்கிய பணி ஆகும். குறிப்பாக, அனைத்து தளங்களிலும் செயற்கை நுண்ணறிவு (AI) தொழில்நுட்பத்தை ஆழமாக இணைத்து, பயனர்களுக்கான அனுபவத்தை மேம்படுத்துவதில் அவர் கவனம் செலுத்தவுள்ளார்.
20 ஆண்டுகளுக்கும் மேலான சர்வதேச அனுபவம் கொண்ட பிரசன்னா, அமெரிக்கா, ஐரோப்பா மற்றும் இந்தியா போன்ற பல்வேறு பகுதிகளில் தொழில்நுட்பக் குழுக்களை முன்னிலைப் படுத்தியுள்ளார். இதற்கு முன்பு Verve Group நிறுவனத்தில் தலைமை தொழில்நுட்ப அதிகாரியாக பணியாற்றிய அவர், ஏஐ மூலம் வணிக வளர்ச்சியை உயர்த்தியவர் என அறியப்படுகிறார்.
இந்த நியமனம் மூலம், படைப்பாளர்கள் மற்றும் டிஜிட்டல் விளம்பரத் துறையில் புதிய மாற்றங்களை கொண்டு வரவும், பயனர்களுக்கு துல்லியமான உள்ளடக்க பரிந்துரைகளை வழங்கவும் நிறுவனம் எதிர்பார்க்கிறது.
நிறுவன இணை நிறுவனர் உமங் பேடி கூறுகையில், “இன்றைய டிஜிட்டல் சூழலில் ஏஐ முக்கிய சக்தியாக மாறியுள்ளது. தொழில்நுட்ப கட்டமைப்பை வலுப்படுத்த பிரசன்னாவின் தலைமை எங்களுக்கு பெரும் பலம் தரும்” என்றார்.
பிரசன்னா பிரசாத் கூறுகையில், “பயனர்களின் அனுபவத்தை உயர்த்தவும், உள்ளடக்க தரத்தை மேம்படுத்தவும் தொழில்நுட்பம் முக்கிய பாலமாக செயல்பட வேண்டும். இந்த வளர்ச்சி கட்டத்தில் இணையுவது மகிழ்ச்சி அளிக்கிறது” என்றார்.