இளம் இயக்குனருடன் இணையும் தனுஷ்! முன்னணி இயக்குனர்கள் அவ்வளவுதானா?

இளம் இயக்குனருடன் இணையும் தனுஷ்! முன்னணி இயக்குனர்கள் அவ்வளவுதானா?

தமிழ் சினிமாவில் உச்ச நட்சத்திரங்களில் ஒருவர் நடிகர் தனுஷ்.இவர் சமீப காலங்களில் நடித்த எல்லா திரைப்படங்களும் பெரிய வெற்றியைப் பெற்றன.தற்போது இவர் யாரடி நீ மோகினி படத்தை இயக்கிய மித்ரன் ஆர்.ஜவகர் இயக்கத்தில் நடித்துக் கொண்டிருக்கிறார்.இந்த படத்திற்கு திருச்சிற்றம்பலம் என பெயர் வைத்துள்ளனர்.இந்த படத்தை சன் பிக்சர்ஸ் நிறுவனம் தயாரிக்கிறது.

இதற்கு முன்னர் இவர்கள் கூட்டணியில் யாரடி நீ மோகினி,குட்டி,உத்தமபுத்திரன் போன்ற திரைப்படங்கள் வெளியாகி இருந்தன.இதில் 2008ல் வெளியான யாரடி நீ மோகினி திரைப்படம் பெரிய வெற்றியை இவர்களுக்கு பெற்றுத் தந்தது.இவர்கள் மீண்டும் நான்காவதாக திருச்சிற்றம்பலம் படத்தில் இணைகின்றனர்.இந்த படத்தின் படப்பிடிப்பு தற்போது நடந்து வருகிறது.

மேலும் நடிகர் தனுஷ் மாறன் என்ற படத்தில் நடிக்க ஒப்பந்தமாகியுள்ளார்.இந்த படத்தை இளம் இயக்குனரான கார்த்திக் நரேன் இயக்குகிறார்.இந்த படத்தின் படப்பிடிப்பும் தொடங்கி நடந்து வருகிறது.இதனிடையே தற்போது பியார் பிரேமா காதல் படத்தின் இயக்குனரான இளன் உடன் நடிகர் தனுஷ் இணைந்து பணியாற்ற உள்ளதாக தகவல்கள் தெரிவிக்கிறது.பியார் பிரேமா காதல் திரைப்படம் இசையமைப்பாளர் யுவன் ஷங்கர் ராஜா அவர்களால் தயாரிக்கப்பட்டது.

இந்தத் திரைப்படம் பெரும் வெற்றியை கொடுத்தது.இந்த படத்தின் இசையமைப்பாளர் யுவன் ஷங்கர் ராஜா.பாடல்கள் அனைத்தும் நல்ல வரவேற்பைப் பெற்றன.தற்போது தனுஷ் படத்தை இயக்க ஒப்பந்தமாயிருக்கும் இவர் சத்யஜோதி பிலிம்ஸ் தயாரிப்பு நிறுவனத்துடன் இணைந்து பணியாற்ற உள்ளார்.இந்த திரைப்படம் மதுரையை மையமாக வைத்து உருவாகும் கிராமப் பின்னணியில் உருவாக இருக்கிறது.

சமீப காலமாக நடிகர் தனுஷ் இளம் இயக்குனர்களுக்கு வாய்ப்பு வழங்கி வருவதால் இந்த முடிவை அவர் எடுத்திருப்பார் என்று தோன்றுகிறது.இதனால் இவரது ரசிகர்களும் மகிழ்ச்சியடைந்துள்ளனர்.